Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
constitutum per Christinam circa annum M DC XL. cum ante sacerdotes
aliunde adventarent, statis temporibus quotannis. Ita enim habet
diploma ejus illo anno publicatum. Wy ville och then foererdning
giœra laota, att med hvvart Præstebool gode och doglige huus maogo
upfattias &c. Ther emot skola Præster vara foerplichtade, hvvar
med sitt foerordnade Præstebool stadigt blifvva boande. Hoc est:
curabimus etiam, ut ad templum quodq; bonæ utilesq; extruantur ædes &c.
ex adverso sacerdotes tenebuntur, quisq; ad suum templum constanter
habitare. Scholæ institutæ sunt à Gustavo Adolpho primum, uti
suspicor, & in oppido Pithensi, ante annum hujus sæculi decimum &
nonum. Illo certe anno in præfatione quadam Ritualis alicujus, ut
apellant, Nicolaus Andreæ, Pastor Pithensis, gratias hoc nomine
Regi Gustapho Adolpho agit, simul Rituale illud scribit ipsi sese
dedicare, ut cognoscat orbis Christianus piam hanc Gustavi Adolphi
curam. Verba ejus sunt, ut in Latinum verti ex Suetico; se ideo
dedicare Rituale illud Regi, ut omnes Suetici regni ordines, superiores
inferioresq;, cum universo orbe Christiano intelligant, quanta commiseratione
Majestas Regia sit complexa gentem illam (Lapponum) ut & populos
reliquos imperio ejus subditos, ex gratia Regia, & quomodo Majestas Regia
instituerit Scholam, inq; eam convocari curaverit liberos Lapponum,
quo erudiantur, & in verbo divino, & in artibus litterarum.
De Gustavo Adolpho scholæ Lapponicæ conditore testatur & OlausPetri, qui
constituendæ ejus causam docet fuisse præcipuam, quod videret
Rex, nil effici apud Lapponas per Sueticæ, id est, peregrinæ linguæ
concionatores, quales hactenus habuere; nec si qui missi Upsaliam
(quod Carolus pater ejus instituerat) aliam victus secuti essent
rationem, reversos domum diu posse superesse. Verba ejus post
commemorationem instituti Carolini, ex quo Upsaliam abire jubebantur:
Moritur in peregrino loco, aëre, & victu pars maxima, pars autem
reliqua supervivens meliore victu & amictu assueta, ad deteriorem redire,
patriæque inservire prorsus detrectavit. Cum hæc omnia fefellere,
ecce DEO benedicente, majore zelo & prudentia Gustavus
Magnus Rex noster rem aliter urget, alios, ne ut ante factum,
iam vehementi aëris & victus mutatione perirent, aliquot
annos in Schola Lappiæ proxima Pithensi regio aliud stipendio.
<< prev. page << föreg. sida << >> nästa sida >> next page >>
