Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ere een part ærgere der med, end siœfinner, Hoc est: Omnes magi sint
truculenti, ut eis similes antehac fuisse, vel nunc esse in terris haud
crediderim. Et pejores aliqui ex Lappofinnis, quam Finnis maritimis.
Sic de Lappis proximiorum temporum scriptores; neque aliter de
Biaronis, Lapponum antecessoribus, ut non sit dubium, ejusdem
omnes esse generis. Olaus Magnus, Lib. I. cap. 1. Sunt Biarmenses
in fascinandis hominibus instructissimi. Quippe aut oculorum,
aut verborum, aut alterius alicujus rei maleficio homines ita ligant, ut
liberi non sint, nec mentis compotes, sæpeque ad extremam manum
deveniant. Saxo habet ejus rei exemplum lib. 1. ubi post alia de ipsis:
Tunc Biarmenses arma artibus permutantes, carminibus in nimbos
solvere cœlum, lætamque aeris faciem tristi imbrium aspergine
confuderunt. Paria leguntur apud Sturlesonium, & Auctorem veterem
Historiæ Heraudi, ut vix dubium esse queat. Licet autem his
temporibus nec adeo frequenter Lappones, nec adeò aperte artes has
exerceant (unde Andreas Buræus de ipsis: Lappones olim, quam
nunc magicis superstitionibus magis dediti erant: Item paucis interjectis:
maxima pars Lapponum magicis superstitionibus caret. Et jam
diu ante Peucerus: Hoc tempore minus et ibi incantationum, quam
fuit antea, quod Sueciæ Rex ne iis amplius utantur, severissime prohibuit)
nihilominus in non paucis durat hodieque studium earum. Quod
si quis requirat causas, præter eas generales, quas attulimus
superius de gentis hujus superstitione, non est alia potior, quam quod
unus sibi putet necessarium ex ea munimentum adversus insidias
alterius. Fatentur ita vulgo, & jam pridem testatus est Petrus
Claudi sæpe nominato loco. Der œr dem fornoeden, ait, att de all
och huer skulle kunde den konst, eller blifvve de fortryllat oc forgiorit
aff de andre. Hoc est: Scientia hujus artis prorsus ipsis necessaria, cum
alias per eam in caeteris damnum & exitium ipsis afferatur. Ex hac
causa magistros atque præceptores habent suos, & parentes ad
liberos per hæreditatem suis obnoxios ministeriis spiritus malignos
dæmonasque transmittunt. De priore testis est Tornæus. Som
blige, ait hlifvva hærutinnan undervviiste, och af œfningen fœrdige
girode. Hocest: Quidam in hac arte erudiuntur, usuque fiunt docti.
<< prev. page << föreg. sida << >> nästa sida >> next page >>
