Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
quas permutant, eas Jovius appellat candidissimas pelles, quas
Armeinas vocant. Zieglerus memorat pisces. Tantum superat
captura (piscium) ut ejus plurimum condant in cetariis, & exportent in vicinas
terrus, Northbothniam & Russiam albam. Sed sunt plures aliæ, &
pelles pretiosas rectius hic nominat Olaus Magnus, generaliori ratione.
Samuel Rheen hunc earum habet indicem: Lapparnas vvahror
æroreenar, reenshudar, svvarte, ræde, blao, och hvviita ræfvvar,
uttrar, jærfvvar, maordar, bæfrar graoskin, vvargar, bioernar,
muddar, stoeflar, skoor, handsar torre gæddor, reenofter &c. Hoc est:
Lapponum merces sunt rangiferi, pelles rangiferorum , vulpium
nigrorum, ruforum, cæruleorum, alborum, lutrarum, gulonum, mardurum,
castorum, sciurorum, luporum, ursorum, togæ Lapponicæ, ocreæ, calcei,
chirothecæ, lucii arefacti, casei ex rangiferis &c. Hæc Lapponum
mercimonia, quæ permutant cum argento, nummis imperialibus,
panno laneo lineoque, cupro, aurichalco, sale, farina, pellibus
boum, sulphure, aciculis, cultris, spiritu vini, & quod mireris,
tabacco etiam, quod genus diligunt impense; uti alibi ostendi.
Harum rerum omnium, ut supra vidimus, à Rege Carolo constituta
pretia fuere, secundum quæ permutatio instituenda esset cum
Corona. Duratq; illa ratio & hodie inter ipsos, cum quibuscunq;
denique contrahant, sic ut observent pretium aliquod commune
rerum suarum pariter & alienarum, factum ex comparatione cum
imperiali, vel quod idem apud ipsos valet, unciis duabus argenti. Sic
rangiferum communis aut vulgaris generis æstimant pro imperialibus
duobus, aut argenti unciis quatuor, pellẽ rangiferi feri pro
imperiali uno cum dimidio, vel argenti unciis tribus, pellem rangiferi
domestici maris pro imperiali uno, si castratus fuerit, pro tribus
quartis partibus imperialis, fœminæ pro dimidio imperiali, pellem
vulpis vulgaris pro imperiali uno, pelles quadraginta, quod vocantur
timber, sciurorum grisei coloris, pro imperiali, marduris
pellem simili pretio, tres pelles vulpium albas similiter pro imperiali,
pellem ursi pro imperialibus duobus, lupi eodem pretio, togam
lapponicam, quam appellant mudd vulgarem, pro imperialibus tribus,
par ocrearum Lapponicarum pro dimidio imperiali. Eodem
<< prev. page << föreg. sida << >> nästa sida >> next page >>
