Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Consignentur primum, quod in qualibet Lappmarkia sint paludes, fluvii, lacus,
item, qui sint, qui ex eis ad hunc diem cœperint utilitatem, quæ sint
nomina singulorum. Deinde conferatur numerus familiarum cum paludibus
& fluviis, & pro eo dividantur, ne una familia paludes, lacusve
plures insideat, quam ut in usus suos commode possit vertere. Ad hunc
modum divisa qualibet Lappmarkia negotium dabitur viris bonis probisque,
qui familiis singulis suas assignent partes citra gratiam odiumve.
Nec permissum sit ulli Lapponum errare per totam markiam suo
arbitratu, sicut ad hunc diem factum est. Ex edicti hujus tempore
cœperunt Lappones sua certaque habere spatia, familiis suis alendis
sufficientia, sic ut neutri fas esset ingredi partem alterius, aut pro
arbitrio, quo vellet concedere. Neque tamen illa sedium de loco
uno in alium transferendarum consuetudo penitus sublata est,
verum manet hodieque, sed fere intra limites spacii, quod cuilibet
assignatum. Hinc Andreas Buræus, cujus descriptio confecta est,
post edictum superius. Certam mansionem non habent, sed ut fort
commoditas piscationis & venationis per aliquod tempus apud lacum,
flumen, sylvam, vel montem aliquem commorantur, exactisque
itidem aliquot vel septimanis, vel diebus, habitationem alio ad locum
commodiorem transferunt. Et Samuel Rheen hodiernus scriptor;
Lapperna boo eller vvistas icke pao ett rum eller stælle, uthan flyttia
ifraon thet ena rummet till det andra. Hoc est: Lappones non in uno
loco fixam habent commorationem, sed ab uno migrant in alium.
Causa hujus incertitudinis & continuæ migrationis est non alia,
quam ratio querendi victus. Nam cum Lappones se alant ex
rangiferis, vel ex piscibus, & feris, dare operam coguntur & illi, ut
sufficiens semper rangiferis suis habent pabulum, & hi, ut iis semper
locis pisces ferasque captent, ubi copia est carum, nec
tamen eam copiam exhauriant. Non autem unus idemque
locus semper sufficit his omnibus. Et hoc est, quod Buræus
ajebat, ut fert commoditas piscationis & venationis, per aliquod
tempus, apud lacum, flumen, sylvam, vel montem aliquem commorantur.
Commoditas ista non est semper omnibus in locis, pisces
<< prev. page << föreg. sida << >> nästa sida >> next page >>
