Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Habent ea duplicis fere generis, alia ferreis armata cuspidibus, alia
sine ferro hebetia & obtusa, feriendis minoribus animalculis, ut
sciuris, hermelinis, & ejusmodi. Meminit Olaus Magnus lib. VII.
c. I. Producuntur ligneæ sagittæ, lato capite, pro marduris, Zebellinis, ac
pyrolis interimendis. Quibus verbis pyrolos appellat, qui Latinis
sunt sciuri. At illa cuspidata intentantur feris majoribus, cum
occurrunt. Habent autem cuspides non ex ferro solum, sed &
ossibus interdum, cornuque, quod exempla eorum apud nos testantur.
Lignum à capite forant ferro ardente, foramini immittunt
spiculum corneum, glutine affirmatum, quod deinde cultro vel cote
acuunt. Præter ista instrumenta sive arma, solent adhibere etiam
bombardas. Nemo enim hodie est Lapponum, qui non hoc quoque
genere sit instructus ad venationem ferarum, maxime majorum
& valentiorum. Quo fine superstitiosis quoque incantamentis
bombardas eas suas præparant, ne ab avibus ferisve, quarum
capturæ destinantur, si occurrant, possint aberrare. Quod quidem
commune habent cum non paucis etiam apud gentes alias
venatoribus. Habent autem eas ex vicinæ Bothniæ, seu Helsingiæ
oppido, Soederhambn vocato, ubi officina celebris est, cum
armorum aliorum, tum præcipue bombardarum; cujus oppidi cives
Bothniensibus, hi Lapponibus deinde cupientibus vendunt. Inde
quoque sibi Lappones pulverem sulphureum, inde glandes plumbeos,
vel plumbum ipsum, quod in glandes fundant, comparare solent.
Aliquando etiam ex Norvagia isthæc consequuntur. Hastis
quoque in venationibus utuntur suis, maxime contra ursos.
Meminit nominatim Anonymus in explicatione venationis ejus.
Adoriuntur, ait, ursum animosè, atque hastis & bombardis eum
interficiunt. Sunt vero eæ nihil differentes à communibus & receptis
vulgo, ut privatim explicatione nulla opus habeant. Et hæc quidem
arma sunt: venio ad instrumenta alia huic negocio servientia.
Præcipuum sunt calcei lignei, quibus decurrunt per nives congelatas.
Olaus Magnus lib. IV. c. 12. In pandis seu latis trabibus seu lubricis
tabulis pedibus alligatis super valles nivososque montes ac cacumina
montium celerrimo transitu lapsuque præcipites in bestias efferuntur,
<< prev. page << föreg. sida << >> nästa sida >> next page >>
