Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
secus atque equi solent, cum helciis utrinque à lateribus lib. XVII.
c. 29. Sed & rangiferi collo imposuit, præter tæniam, pectus
ambientem, semicirculum, qualis est receptus in vehiculis seu trahis
vulęaribus. Solent quippe trahis vulgo adjungere equos, per ligneos
baculos duos, utrinque funium loco firmatos ad traham, inter quos,
ut liberius minoreq; cum molestia equus currat, addunt superne
circa equi cervicem semicirculum ligneum, qui eos baculos teneat,
nonnihil summotos ab equi corpore. Semicirculum istum lockrancka
nuncupant. Talem ipse semicirculum imposuit & rangifero,
cujus tamen non est usus, nisi inter istos baculos, qualibus rangiferi
ad traham non junguntur, verum tænia tantum unica, ut dixi. Neq;
melior est in delineatione modi, quem æstivo tempore servant.
Exhibet rangiferos duos junctos ad vehiculum cum rotis, quod
plane apud Lappones ignotum est, ut alibi jam dixi. Non solent æstate
uti vehiculo, sed res suas & supellectilem suspendere in clitellis.
Omnium vero maxime deflexit à vero, cum repræsentavit Lapponem,
rangifero insidentem, velut equo, cum ephippiis libro eodem
cap. 26. & frenis in ore, lib. IV.c.9. Equidem Olaus quoque dicto
cap. 26. lib. XVII. Ejus cursus etiam admisso sessore, fit super altas nives.
At Lapponibus hoc penitus ignotum, quod jam ante Olaum
observavit Zieglerus. Equitem, inquit, dorso non fert, sed antilena
imposita jungitur vehiculo. Non equitant æstate Lappones, cum
faciendum iter, nullo cum rotis utuntur curru, cui insideant, ut est in
picturis Olai, sed incedunt pedibus. Hyeme vehuntur traha singuli
sua, fasciis in ea religati, sicut dictum est, singulis rangiferis
trahentibus, eo modo ad plaustrum, quo monstravimus, revinctis. Solet
autem Lappo qui sic vehitur, feram regere loro, eoque unico ac
simplici, non inserto ori, sed religato circum caput cornuaque,
quod tenet dextra firmatum ad baculum, utmodo ad dextram,
modo ad sinistram super dorsum rangiferi possit jactari. In
quamcunque enim partem jactatur, in eam rangifer scit sibi eundum.
Wexionius: Super dorsum bestiæ habenæ, una scilicet lata
corrigia, de pelle canis marini, caput stringit, qua dextrorsum
vel sinistrorsum jactata vectus cursum altera manu moderatur.
<< prev. page << föreg. sida << >> nästa sida >> next page >>
