Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
jactant, quique spacium uno saltu complexus est maximum,
is cæterorum victor habetur. Et hoc primum ludicrum ex
cursu & saltatione junctum. Habent & aliud, in quo certant
solo saltu, eoque non in longum, sed in altum. Stant duo
viri juvenesve erecti, non longo inter se spacio divisi, manibusque
tenent nunc funem, nunc baculum, nunc depressius, nunc altius
prout inter certantes fuerit conventum, sæpe viri altitudine. Tunc
alter post alterum superare baculum istum conatur saltu, ex
præscripto loco quique hoc efficit optime, is laudem præ cæteris
consequitur. Tertium ludicrum eorum fit arcu atque telis. Loco certo
collocant scopum minimæ magnitudinis, eumque petunt sagittis è
præscripto spatio. Qui tetigit, aut tetigit frequentius, is sodalibus
cæteris antefertur. Et hi quidem ludi laudis ferè solius gloriæque
studio inter ipsos instituuntur. Aliquando tamen certant & de
præmiis, de quibus ipsi inter se conveniunt, & in medio ejus loci,
ubi celebrant certamina & ludos, reponunt. Suntque illa præmia
rarissime nummi, frequentissime pelles, imprimis vero sciurorum,
modo singulæ, modo plures, prout visum ac conventum fuerit.
Viri autem fœminæque ludos habent aliquos communes, eosque cum
pila, quam ex corio habent consutam, farctamque fœno, pugnæ
magnitudine. Multitudo quantacunque virorum fœminarumque
dividitur in partes duas. Una occupat hoc spatium, altera
aliud, huic oppositum, distansque aliquo intervallo. Tum pilam
singuli unius partis ordine percussam fuste, everberant in aërem,
quanta maxima vi possunt, excipientibus cam prolapsam illis, qui
sunt alterius partis. Quod si manibus unus alterve exceperit,
priusquam humum tetigerit, tum vertitur ludus, & hæc pars pilam
excutit, altera cogitur excipere. Hoc modo ludunt viri fœminæq;
junctim, pueri item ac puellæ, neque viri promptiores hic, quam
fœminæ se præbent. Alius est ludus, qui & ipse fit pila. In nive
gelata pingunt duas lineas spatio nonnullo inter se distantes, tum
multitudine sexus utriusque promiscua in duas divisa partes,
pars una defendendam sumit hanc, altera alteram lineam.
Post coëunt in spatium medium inter istas lineas, ibique pilam
<< prev. page << föreg. sida << >> nästa sida >> next page >>
