Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
projicunt: quam mox fustibus & baculis propellere conantur, hæc
pats ad oppositam sibi lineam, altera ad lineam adveram
prohibentibus vi summa, qui tueri lineam illam debent. Quod si pars
una pilam supra lineam partis alterius pellere baculis (nam manu
projicere nefas habent) & sic spatium illius occupare potest, ea
victrix ex hoc ludo digreditur. Quos hactenus enumeravi, sive sint
virorum proprii, sive viris juxta atque mulieribus communes,
pertinent ad juniores æquæ ac adultos: at quem nunc exponam ludum,
proprius est fere virorum, eorumque adultorum. Solent inter
se in duas divisi classes, congredi lucta. Stat classis una, longa
serie in frontem, velut versus militum, ei opposita est classis altera.
Singusi suos apprehendunt adversrios cingulo, quo sunt cincti
omnes Lappones, ut alibi ostendi. Cingulum bis ter ambit corpus
cujusque, unde firmum est, & habile ad hoc negotium. Ita alter
alterum cingulo prehensum, qui quanta potest, studet ad terram
prosternere. Quod tamen dolo & fallacia, per oppositionem pedis
similive modo, fieri non debet. Quod qui fecerit, pro homine iniquo
ludiq; hujus indigno rejicitur. Et hi quidẽ ludi, qui Lapponibus quasi
proprii. Præter eos habent, quos acceperunt aliunde. Qualis primo
ludus est cum chartulis, notissimus plerisq; per Europam populis.
Nam & Lappones hoc genere non parum delectantur, chartulas
istiusmodi à mercatoribus vicimis ad eos quotannis venditantibus,
solent comparare. Genera ludorum à vulgaribus & receptis nihil
differunt. Pertinent huc quoque ludi tesserarum, seu cuborum
potius. Cubos hosce sibi fabricant ipsi Lappones è ligno, specie
vulgari: differentia in eo tantum servata, quod cum cubi cæteri
habeant inscriptos sibi numeros in omni latere, hi tantum exhibeant in
unico, specie litera X. Victor in hoc ludo censetur, quisquis
jactis cubis duobus, in alterutro signum dictum potest monstrare
collocatum in summo. Solent autem & in ludis hisce præmia proponere
victoriæ, nunc pelles sciurorum, nunc minuta alia, & in defectu
horum, globos plumbeos, quibus ad bombardas in venationibus
utuntur. Fitque nonnunquam, spe reparandi prius accepti damni,
ut quis omnibus istis globis suis privatus, non in præsens
<< prev. page << föreg. sida << >> nästa sida >> next page >>
