Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
fluminibus majoribus. Sequentes sunt in Lappmarkia Lublensi, Pyrrijaur
fluvius Kardiioch, Darriioch, Quickioch, Kittagjoch Laitijoch,
Siitijoch. Omnes hi se exonerant in Luleao minorem, unumque faciunt
flumen, licet adhuc centeni quidam alii accedant. Pari modo res se
habet cum parte illius altera, quæ est major, & vocatur Stoor Luleao.
Samuel Rheen. Sammaledes till stoor Luleao komma manga elfvvar
tillopa. Hoc est: Pari modo fluvii plures conveniunt in flumine,
stoor Luleao vocato. Sic Tornæo accipit fluvium Kæungemæ, item
Tængeleao, & alios minores rivos. Atque ita res se habet etiam
cum cæteris. Ex quo fit ut fluvii prædicti majores paucis cedant,
sive pernicitate cursus, sive copia & multitudine aquarum. Et
quoniam per regiones montuosas inæqualesque feruntur, hinc in
eis id peculiare, quod crebris impediti cataractis prolabantur per
præcipitia magno strepitu, nec sint navigabiles ubique. Talis
cataracta est in territorio Luhlensi, quam appellant Muskaumokke,
aliaque, quam vocant Sao, & rursum alia, quæ Niomelsaski, hoc
est, Saltus leporinus dicitur, quoniam Luhla fluvius per
angustisimum tramitem inter montes duos sese dejicit, tam
propinquo brevique spatio distinctos, ut à lepore transmitti saltu
possit.
Similes occurrunt in territorio Tornensi. Memorabiliorum
ista sunt vocabula? Tarrafors, quæ abest proxime à montibus
Norvagicis. Et & à Johanne Tornæo dicitur: een starck
brinnande fors, hoc est, cataracta vehemens & impetuosisima.
Sequitur deinde Cœngerbruks fors, tum Lappia fors, post
tres aliæ mutuo se excipientes, uno vocabulo Pælloforser dictæ,
tum Kettillefors, & demum Kukulafors, quæ à Torne oppido
distat proxime.
Quanquam vero cataractæ hæ navigantibus injiciant
impedimenta, suos tamen præbent usus officinis metallicis
non exiguos, & piscium fere copiam subministrant incredibilem.
Præter fluvios ingens per Lapponiam universam coia
est lacuum, ut in tanto eorum humero nominari
possint paucissimi. Ex eis est Lulatræsk Lacus territori
<< prev. page << föreg. sida << >> nästa sida >> next page >>
