Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
actæ, spatia ingentia instar nivium obruere contegereque solent.
Inprimis ea, quæ viciniora montibus Norvagicis. Johannes Tornæus:
Hær ær alt ofruchtbart, och næstan oefvver alt med torr sandt
betæckt. Hoc est: Ibi omnia sunt sterilia, & prope quaquaversum siccis
arenis contecta. Sic Olaus Petri Niurenius: Lappia in æstate
salebrosa, & minime per via: alibi per aliquot miliaria est arenosa, alibi
lapidosa. Solent illæ arenæ peregrinantibus creare pericula non
levia, dum vel nives obtegunt, efficiuntque ut ea cum, qua debebant,
minime caveantur, vel ingenti copia moleque homines ipsos
opprimunt. De priori Johannes Tornæus ita scribit, ut quidem
se Latine habent verba ejus. Iacent hic illioque nivium cumuli, qui
quia vento dissipari nequeunt, ideo interdiu à Sole, noctu ab umbris
ita incrustantur, ut pæne similes fiant glaciei. Quod si arenæ, quæ à
flatu ventorum sparguntur, eos simul tegant, ab iis, qui faciunt iter,
prævideri nequeunt. Ex quo accidit, ut si super eos conscendant, ferantur
deorsum fracta incrustatione, nec salvari à quoquam possint, ibiq; sepulturam
suam consequantur. De posteriori isto modo: Si forte fiat, dum quis
iter facit per montes Fellicos, ut exoriatur tempestas aliqua, fortuna
singulari quem oportet uti, si vivus eos possit superare, hyberno quidem
tempore propter nivium copiam, æstivo vero, propter multitudinem
arenarum, quas dejiciunt tempestates illæ. Versus Norvagiam
attollit se in montes editissimos. Eos Sueei voce prisca vocant Fiæll,
Tornæus: Desse Lappisca bærgen vvarda med det forna hvvenska
eller Islandska nampnet kallade Fiæll. Hoc est: Montes hi Lapponici
prisca voce Suetica, vel Islandica nominantur Fiæll. Lapponibus sua
lingua sunt Tudderi. Samuel Rheen: Desse fiæll kalla Lapparna
Tudderi. Hoc est: Hos montes Fellicos Lappones vocant Tudderi.
Cluverius perpetuum eorum jugum vocat Sevonem. Ubi enim
agit de Norvagia, Sevone monte orientale ejus latus ait, claudi.
Hausit hoc ex Plinio, qui sic lib. IV. cap. 13. Incipit inde clarior
aperiri fama ab gente Ingevonum, quæ est prima inde Germaniæ.
Sevo mons ibi immensus, nec Riphæis jugis minor, immanem ad Cimbrorum
usque promontorium efficit sinum, qui Codanus vocatur, refertus
insulis, quarum clarissima Scandinavia est. Ab Adamo dicuntur
<< prev. page << föreg. sida << >> nästa sida >> next page >>
