Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Niveis sed illa primam
Metit unguibus, sinuque
Tenero rosam reponit:
Ibi languidam nec imbres
Rigui, nec aura spirans
Zephyri juvat parentis.
Ita, sponse, blande sponse,
Tuus ardor ille nobis
Teneramque melleamque
Hodie abstulit sodalem.
Itan’, o puella dulcis,
Choreas jocosque nostros
Cito rapta derelinques?
HI.
Domum Ductio.
Luceat corusca tæda: fausta sit tibi via
Foedus in tori jugalis, alterum vitæ genus,
O potens decore multo, nec minor virtutibus
Hactenus canenda virgo, nunc marita florida.
Quid patrem? Quid intuere matris optime sinum?
Unicum relinque fratrem, cum piis sororibus.
Quid negas ab his revelli, lacrymasque vix tenes?
Non erit procul maritus: ille jam tibi pater,
Ille mater, ille frater, ille solus omnia.
Hujus ore commovendis mentibus mortalium
Exhibet se suada dulcis et potenter influit.
Ipse lenibus susurris, ipse suavibus jocis
Molliet doloris æstum, tristi desiderium
Tollet, atque mite pectus finget in leges suas.
Si quod sequor est arandum, puppis una vos feret
Quis timor fidis maritam turbet in complexibus?
Ibitis cursu secundo sic per undas vitreas:
Mille lusus, mille risus audient Nereides,|
Exserentque puros imbre cæruli vultus maris.
Candidis huc diva cygnis advolabit Idalie,
Et mari docebit ortam se: sed aliger puer
Per forosque cursitabit, perque transtra lævia.
<< prev. page << föreg. sida << >> nästa sida >> next page >>
