Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Usque dum tellus amica vos amœno litore
Liliis rosisque fultos abdet umbris arborum.
Qua fugax levi soporem lympha ducit murmure.
IV.
Nox.
Phoebe argentea, noctiluca Phoebe!
Que nunc dividuos resumis ignes;
Et vos per superi serena mundi
Palantum vigiles chori deorum;
Vos, o sidera, dico, dum silenti
Rerum conscia nocte quæ geruntur,
Passim fulgidulas faces vibratis,
Ignaræ Oesiliæ, precor, referte,
Illius quid episcopum moretur.
Sic rorem rapidi maris bibatis:
Et stellatus imaginum nitore
Vestrarum simulet superna Nereus.
Post luctus querulos tori prioris,
Post curas tetricas, pios labores,
Noctes pervigiles, sacri frequentes
Plausus ordinis et simul receptos
Doctoris titulos, viro levamen
Restabat placidum venustulumque.
Nunc in virgineis remissus ulnis
Magnarum seriem molestiarum,
Duri tædiaque exuit laboris.
Hæc vos (scitis enim nihilque vestris
Umquam fata oculis volunt negatum)
Qua fas est, precor, insulse referte,
Quæ desiderio pii parentis
Tardos clamat Apollinis jugales;
Et longas queritur relicta noctes.
Sic rorem rapidi maris bibatis,
Et stellatus imaginum nitore
Vestrarum simulet superna Nereus.
<< prev. page << föreg. sida << >> nästa sida >> next page >>
