Ungdomsskulen i Norge i 50 aar 1864-1914 / 12 (1914) Author: Haakon Aasvejen, Rasmus Stauri Table of Contents / Innehåll | << Previous | Next >>
	Project Runeberg | Catalog | Recent Changes | Donate | Comments? |

Full resolution (JPEG) - On this page / på denna sida - I. Folkhøgskulen - Nedlagde skular - Alvheim folkehøgskule - Folkehøgskulen i Buskerud - Folkehøgskulen i Jarlsberg - I Aafjorden - Garnes folkehøgskule - I Hornindalen

<< prev. page << föreg. sida <<     >> nästa sida >> next page >>

Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

teologane Ole Moe og O. Olafsen paa Veøy i
Romsdalen (74-75) og Hans Storeng og Hans
Brun (»Pastoren«) i Aalen i Gauldalen (71—73).

I 1876 fekk Daniel Sæter istand ein skule
paa Byneset ved Trondheim. Han var i
mange bygder i S. Trondheims amt og heldt
ialt 20 kursus.

Paa Tønset fekk provst P. M. Widerøe
og stortingsmann Hektoen igang ein
ungdomsskule med J. E. Prytz til styrar. Denne
skulen var nærmast ein amtsskule, medan
ungdomsskulen paa Folkvang i Elverum, som
Helge Væringsaasen var med og fekk istand i
1873, og som Eivind Torp (med i
»Torsdagsforeningen«) styrde til 1890 og seinare O. A.
Eftestøl (til 94), arbeidde paa same maaten
som folkehøgskulane. Millom lærarane paa
skulen i Elverum var Haakon Aasvejen
(medan Torp var styrar), seinare daa Eftestøl
styrde skulen, O. Schulstad, L. Eskeland og
O. Jansen.

Ingvar Bøhn heldt folkehøgskule paa
Gislevold i Ullensaker saman med presten Jan
Müller, ein av dei mest gaaverike
grundtvigske prestar i den tid, i 69—72. I 1885 var
i kort tid ein skule igang i Randøsund ved
Kristiansand. Nils Skaar (bror til bladst. og
stortingsm. S.) og Tomas Torsvik hadde lagt plan
til ein folkehøgskule for Sørlandet, men i
januar 86 døyde Skaar, og det heile vart utsett.

Fra 80-aari og utover vart uppretta fleire
folkehøgskular, som hadde god søknad og
som heldt seg i mange aar trass ymse
motburd.

Alvheim folkehøgskule

vart opna i mai 1878 paa garden Besseberg
i Skjeberg. Styraren var N. J. Sørensen.
Vinteren 71—72 var han lærar hjaa Bøhn i
Ullensaker, og hausten 73 fekk han saman med
O. Five istand ein folkehøgskule i Saaner, som
aaret etter flutte til Vestby.

Millom dei som var lærarar ved
Alvheim høgskule i denne tid, var Kr. O.
Nordlid, Jakob Sverdrup (ein son av Johan
Sverdrup) og forf. Kristoffer Kristoffersen. —
Seinare heldt Sørensen skule i Enningdalen (Id,
hjaa nov. stortingsm. Hans Bøen), i Askim
og i Skjeberg. Han slutta i 1884. P. Velde
og Lasse Trædal styrde skulen saman til 86,
daa Velde vart amtsskulelærar i Smaalena.
Trædal styrde no skulen aaleine til 88, heldt
deretter folkehøgskule i Opdal (88—89) og i
Ulvik i Hardanger til 91, daa han slutta
skulearbeidet og overtok farsgarden sin i Sogn.

Folkehøgskulen i Buskerud.

Elevar fraa Sagatun fekk igang ein skule i
Sandsvær 1884. Fraa 84—88 var Olav L.
Kirkeberg styrar. Det var meiningi at skulen skulde vera
fast, men fleire ting gjorde at den maatte flytja fraa
bygd til bygd, fraa Sandsvær til Vestfossen,
derifraa til Sigdal. Etter Kirkeberg, som seinare vart
prest for norske og danske i Amerika, kom
Andreas B. Vamraak. Han styrde skulen til
den vart nedlagd i 1893. Medlærarar var m. a.
Ingvald Sakshaug, Erling Sørbøen og August
Steinhamar.

Folkehøgskulen i Jarlsberg

vart uppretta i 1884 av Oddmund Vik, som
fyrr hadde vore lærar hjaa Ullmann. Skulen
var fyrst i Tjølling, seinare i Kodal i Andebu.
Jarlsberg og Larviks amtsting gav tilskot til
skulen i 1885, men i 86 vart det negta (med
1 st. overvigt), og daa det seinare ikkje vart
fleirtal for tilskot til skulen, maatte han slutta
i 1888.

I Aafjorden

heldt presten Karl Seip folkehøgskule paa
prestegarden fraa 1885—90, samstundes med at
han var prest. Han hadde eit lite tilskot, men
det rokk snaudt til aat medlærarane. Hans
eige arbeid var gratis, soleis som tilfelle var
med so mange andre i denne stridstid.

Garnes folkehøgskule.

Paa Garnes i Haus ved Bergen var det
skule fraa 1887—1899. Styraren, Hans
Christian Ørsted Hambro, la her ned eit godt
arbeid. Som dei fleste skular paa Vestlandet
var denne og godt søkt. Kring 900 elevar
har gaatt ut fraa denne folkehøgskulen.

I Hornindalen

i Nordfjord var folkehøgskule fraa 1887—90.
Styraren Haakon Aasvejen fraa Stjørdalen møtte
sterk motstand fraa dei »moderate« som daa
var dei raadande i Nordfjord. Studnad fraa
Amtstinget var det uraad aa faa, so han maatte

<< prev. page << föreg. sida <<     >> nästa sida >> next page >>