- Project Runeberg -  Bandamanna saga /
7

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

varðveita. Óspakr kvað svá vera skyldu. Oddr
býr nú ferð sína ok skip, ok lætr færa til vöru,
er gnóg var til. Þetta fréttist brátt ok var
tíðrætt um. Eigi þurfti Oddr langan búning.
Váli ferr með honum. Ok er Oddr var búinn,
leiða menn hann til skips, ok leiddi Óspakr
hann í lengra lagi, því at hann átti mart at
tala við Odd. Ok er þeir áttu skamt til skips,
þá mælti Oddr: „Nú er einn hlutr sá er óskipaðr
er“. „Hvat er þat?“ segir Óspakr. „Ekki
er sét fyrir goðorði mínu, vil ek at þú takir
við“. „Á þessu er engi gegning“, segir Óspakr,
„ok em ek eigi til þessa færr, ok hefi ek þó
meira á hendr tekizt enn ek mega vel valda;
er þar engi maðr jafn-vel til fallinn sem faðir
þinn, skilamaðr enn mesti ok forvitri“. Oddr
kveðst eigi mundu honum í hendr fá — ,„ok
vil ek at þú takir við“. Óspakr ferr undan ok
vildi þó feginn. Oddr segir á reiði sína, ef
hann tekr eigi við, ok at skilnaði þeira tekr
Óspakr við goðorðinu. Ferr Oddr nú utan og
greiðist vel hans ferð sem vandi hans var til.
Óspakr ferr heim, ok var margtalat um þetta
mál; þykkir Oddr mikit vald hafa þessum manni
í hendr fengit. Óspakr ríðr til þings um
sumarit með flokk manna, ok tekst honum þat vel
ok liðmannlega; kann þat alt vel af höndum at
leysa, er hann skylda lög til, ok ríðr af þingi
með sæmd. Hann helt kappsamlega þingmenn

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0013.html

Valid HTML 4.0! All our files are DRM-free