- Project Runeberg -  Bandamanna saga /
14

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

mun ek segja at þér hafið við tekit ok keypt
með slátrfé, ok mun þat engi maðr grana, ok
svá mun ek til haga, at þér skal engi svívirðing
at verða, ef þú hlýðir ráðum mínum“.
Óspakr kveðst eigi mundu við ganga. „Þá mun
fara verr“, segir Váli, ok skiljast þeir. Ferr
Váli heim. Oddr spyrr, hvers hann varð afvíss.
Enn Váli varð fár um. „Já“, sagði Oddr; „nú
þarf eigi við at dyljast; mundir þú dylja, ef
föng væri á, ok veit ek þat, at Óspakr hefir
stolit“. Ok er nú kyrt um vetrinn. Ok er várar
ok stefnudagar kómu, þá ferr Oddr með hinn
tuttuganda mann, unz hann kemr skamt frá bæ
þeim er Óspakr býr á. Þá mælti Váli: „Nú
skulu þér Oddr hér láta niðrtaka hesta yðra
ok æja. Enn ek mun til húss ríða ok hitta
Óspak, ok vita, ef hann vill sættast. Þarf þá
eigi málit fram at hafa, ok virðir þú til þess
fornt yinfengi yðart“. „Ekki veit ek, hversu
skylt þetta er“, segir Oddr. Váli ferr þegar
ok kemr á Svölustaði. Þar var ekki manna
úti. Opnar stóðu dyrnar, ok gengr Váli inn ok
var myrkt í anddyrinu; finnr eigi fyrr enn
maðr hleypr at honum ok rekr öxi milli herða
honum. Þat var Óspakr. Váli mælti: „Þú ert
ógæfumaðr mikill; veitir mér áverka saklausum
manni; far í burt ok forða þér; hér stendr þé
bani fyrir, ef þú bíðr hér. Oddr er skamt frá
garði ok vill drepa þik; forða þér ok send konu

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0020.html

Valid HTML 4.0! All our files are DRM-free