- Project Runeberg -  Bandamanna saga /
15

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

þína á fund Odds, ok segi hon honum, at vit
séim menn sáttir; sé ek farinn at fjárreiðum
mínum út um heruð“. Þá mælti Óspakr:
„Þetta hefir it versta verk orðit; Oddi hafði
ek þetta ætlat“. Enn þó sendi hann konu sína
til fundar við Odd, ok sagði hon honum þá
Vála ok Óspak menn sátta, ok þat at Óspakr
hafði gengit við málinu ok lagit alt á hans
vald, — „ok bað at þú skyldir aftr hverfa“. Oddr
gerir svá, ok ríðr heim á Mel, ok trúir þessu
sem honum var sagt. Annan dag eftir sá þeir
at menn mjök margir fóru þar at garði á Mel.
Gengr Oddr út í mót þeim ok sér hvers efni
í eru; þar fóru menn með lík Vála.

7. Nú kemr upp alt málit, ok verðr Oddr varr
við; hann unir við svá illa at stóru bar; hefir
setit hjá garði, enn fóstbróðir hans drepinn; liggr
hann undir ámæli af mörgum manni. Óspakr
er horfinn ok spyrst ekki til hans. Oddr býr
málit til þings ok kvaddi heiman níu búa. Enn
þat var tíðenda, at búinn einn andast ór
kvöðinni; enn Oddr kveðr annan í staðinn. Fara
nú síðan til þings, ok er sú virðing manna á,
sem ærin nauðsyn heldi honum til at halda fram
máli eftir fóstbróður sinn. Oddr tjaldar búð
sína, ok hefir mart manna með sér. Líðr fram
at dómum. Gengr Oddr at dómi ok hefir fram
málit, ok er hann býðr til varna, þá sátu þeir
skamt í frá með flokka sína Styrmir ok

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0021.html

Valid HTML 4.0! All our files are DRM-free