- Project Runeberg -  Bandamanna saga /
20

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Enn þat er ábyrgð, at dæma þá eigi útlæga,
er dæmingar eru verðir, ok munu menn þat vel
ræma fyrir yðr. Vil ek gefa hverjum yðrum
eyri silfrs, er í dómi sitr, enn hálfa mörk þeim
er reifir, fyrir því at slík eru mest nauðsynjamál, at
eigi gangi illmenni þau yfir, er drepit hafa
saklausa menn ok sannreynd eru at þjófskap. Enn
þótt hér verði nökkur umræða, þá mun ek fyrir
því sitja“. Svá fær hann um talat, at þeir
heita honum at dæma málit, ef Oddr kemr til.
Nú er eftir Oddi sent ok kemr hann til dómsins,
enn þá váru flokkar á burt farnir ok heim
til búða, ok grunaði engan mann um þetta. Þeir
halda málinu fram, ok gera Óspak sekan, ok fara
heim til búða, ok líðr af nóttin. Ok um morgininn
ganga þeir til lögbergs, ok stendr Oddr
upp ok mælti: „Hér varð maðr sekr í nótt, er
Óspakr heitir, í Norðlendingadómi, um víg Vála.
Enn þat er at segja til sektar marka hans, at
hann er mikill vexti ok karlmannlegr; hann
hefir brúnt hár ok stór bein í andliti, svartar
brýnn, miklar hendr, digra leggi, ok allr hans
vöxtr er afburðar mikill, ok er maðr hinn
glæpamannlegsti.

8. Nú þykkir mönnum undarlega skipazt hafa.
Tekr hann til orða Styrmir ok mælti: „Heyrir
þú, Þórarinn, hvat mælt er?“ Hann segir:
„Heyri ek“. Styrmir segir: „Nú erum vér við
brögð komnir, ok hafa hér nökkurir snotrir

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0026.html

Valid HTML 4.0! All our files are DRM-free