- Project Runeberg -  Bandamanna saga /
25

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Eða var þér þess ván, at Oddr muni sitja fyrir
gemsi yðru, er þér farið af þingi? Hann mun
nú vera í hafi með alt sitt, nema landit er
eftir, ok væntir mik, at knörrinn skríði eigi at
síðr undir honum, þótt þér hafið með meirum
fádæmum at farit, enn dæmi sýnist til. Gat
hann þess, ef hann kæmi á Borgarfjörð, at eigi
væri all-löng sævargata til Borgar, ok hann
mundi hitta bæ þinn; svá ok, ef hann kæmi á
Breiðafjörð, at hann mundi finna bæinn Gellis
at Helgafelli, ok ef hann kemr norðr, at
honum kom í hug, at eigi væri langt til Þverár,
ef hann kæmi í Eyjafjörð, ok ef hann kæmi í
Vápnafjörð, kvaðst hann hitta mundu bæinn at
Hofi. Væntir mik, at hann mun vel kominn í
öðrum löndum, þótt þér hafið sýnt yðr í
ójafnaði; mun yðr fara at hæfilega; þér munuð hafa
fé ekki, enn líklegt, at þér munuð hljóta af
óvirðing“. Egill segir: „Þetta mun vera satt,
at Oddr mun hafa ráð fyrir sér, enn sá er einn
maðrinn í málinu, er ek ann ens versta hlutarins
af, þar sem er Hermundr af Gilsbakka;
illa hefir lengi með okkr verit“. Ok er þeir
talast við, þá lætr hann Ófeigr síga niðr
undan kápunni fésjóð, ok rennir hann augum til
Egill, ok finnr hann þat Ófeigr, ok kippir hann
undir skikkjuna, ok mælti hann þá Ófeigr: „Hví
er sem þú verðir utan veggjar við hjalit“. Hann
segir: „Ekki er þat“. „Nei“, segir hann Ófeigr,

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0031.html

Valid HTML 4.0! All our files are DRM-free