- Project Runeberg -  Bandamanna saga /
27

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Egill segir: „Nær mun þá fara“. Ófeigr segir:
„Láttu svá sem ek eiga allra kost, enn öllum
unna ek ills hlutar af nema þér“. Egill segir:
„Tveir eru til; annarr Hermundr, hann er mér
næst, enn þó mun ek hann eigi til kjósa, enn
annarr er Gellir Þorkelsson; hann mun ek til
kjósa“. Ófeigr segir: „Þá er vel; nú mun ek
hitta hann, enn ek mun segja þér hver skilnaðrinn
verðr, enn féit sé hér eftir“. „Láttu
svá vera“, segir Egill. Skilja þeir at því.
Ófeigr gengr til búðar Gellis ok heimti hann út.
Hann var maðr lítillátr. Gengr hann út ok
heilsar Ófeigr honum ok kveðst vilja tala við
hann. Gellir segir: „Vita þykkjumst ek, at þú
munt ræða vilja um málit Odds“. „Já, kvað
hann Ófeigr, „mart þykki mér nú skemtilegra
at ræða enn um málit Odds; var þat teygilegra
enn nú gerist. Er þat gaman mitt helzt, at
tala við vitra menn; er mér þat sagt, at þú
sért vitr maðr“, segir hann. Gellir segir: „Ek
vil eigi synja þér viðtals, Ófeigr“. Setjast þeir
þá niðr. Ófeigr mælti: „Hvat er þeira manna
vestr þar, er þér þykki vænstir til höfðingja í
heruðum?“ Gellir segir: „Þar er gott mannval.
Þar tel eck fyrst sonu Snorra goða eða
syni Þorgils Arasonar, eða þá Eyrarmenn, syni
Steinþórs“. „Já“, sagði Ófeigr, „vel er til sagt,
eða hvat er kvenna þeira er þér þykkir beztr
kostr í“. Gellir segir: „Þar leikr á hinu sama,

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0033.html

Valid HTML 4.0! All our files are DRM-free