- Project Runeberg -  Bandamanna saga /
30

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

virðulegsta máginn, enn leggja ekki til sjálfr“,
segir hann. Gellir segir: „Sannlegt er þat er
þú segir, ok sé ek, at eigi mun fjarri því
ganga sem þú mælir, enn aldri hefi ek at því
kendr verit, at vera svikari. Hefi ek svarit
eiða bandamönnum, at hér skal ekki fyrir koma
nema sektir eða sjálfdæmi“, kvað hann. Ófeigr
segir: „Eigi beiði ek þess, at þú haldir eigi
eiða þína, enn verða má svá, at undir þik komi
málit, ok hefðim vér frændr þat at ráði, at taka
þann kostinn, at selja yðr sjálfdæmi, ok vera
má svá, at eigi sé þér svá bölfengnir, at láta
oss eigi því ná, at gjalda féin upp, ok verði
maðrinn eigi sekr. Enn ef svá verðr, ok komi
undir þik málit, þá máttu eigi gera ósóma, ok
heldr þú þá eiðana, enn sýnir drengskap, ok
hefir þá þetta féit ok gerir sóma til dóttur
þinnar“. Gellir segir: „Vitr maðr ertu, enn
eigi hefi ek föng á at ganga einn í mót þeim
öllum, er í eru málinu, þótt mér væri hugr á“.
Ófeigr segir: „Hversu mundi, ef ek kæma
öðrum manni í málit?“ „Þá mun nær liggja“,
segir Gellir. „Hvern kýs þú til?“ segir Ófeigr,
„láttu sem ek eiga allra völ“. „Egil munda ek
helzt til kjósa“. Ófeigr segir: „Þat er mikit,
er þú kýs þann manninn til, er verstr er í máli
þessu, ok eigi hirðir hvat til fjárins vinnr, enn
er hann svá vitr, at skilja mun hann, at þat
er ráðlegra, at hafa nökkurn sóma enn engan“.

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0036.html

Valid HTML 4.0! All our files are DRM-free