- Project Runeberg -  Bandamanna saga /
31

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Gellir segir: „Til man ek ráða, ef þú kemr
honum í málit“, kvað hann. Ófeigr segir: „Nú
mun ek ganga í burt ok hitta Egil, ok ef ek
fæ af honum, þá skuluð þit talast við um
málit hjá kirkju. Flokkar ykkrir standast nær;
mun ok engum undarlegt þykkja, þótt ykkr sé
tíðrætt; gerið þá ráð með ykkr“. Nú skiljast
þeir ok hittir hann Egil, ok ferr þetta mál svá
sem Ófeigr stefndi til. Annan dag eftir gekk
Ófeigr yfir brú ok hittir frændr sína
Skarðamenn, ok biðr at þeir gangi með honum til
lögbergs, ok svá gera þeir. Ok er menn höfðu
mælt málum sínum, þá stendr Ófeigr upp ok
mælti: „Ekki hefi ek mart rætt um málit Odds,
sonar míns, enn nú vil ek leita eftir, ef nökkut
skal sættum koma fyrir“. Hermundr segir:
„Alls ekki skal á sættast“, segir hann. Ófeigr
mælti: „Þá er stutt um, enn hvárt skulu frændurnir
kost eiga at kjósa um, hvárt fyrir skulu
koma sektir eða sjálfdæmi“. Hermundr segir:
„Þess skuluð þér kost eiga, því at þat eitt
mun sjálfdæmit, er eigi mun undir, hvárt er
eða sektirnar“. Ófeigr segir: „Hvárt skulu
frændr þá eiga kost at kjósa af yðru liði þá
er þeir vilja, eða skuluð þér allir gera, þótt
þat sé ótíðara“. Hermundr segir: „Þess skuluð
þér kost eiga, at kjósa til þá er þér vilið;
eigi þykkir oss undir, hvárir eru af váru liði“.
Ófeigr segir: „Þá er hóf á, ok mun þat várt

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0037.html

Valid HTML 4.0! All our files are DRM-free