Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
kýs ek þik frá. Þar sitr þú, Þórarinn, ok er
eigi þat þar at, at þér sé vitfátt at gera um
málit, enn alt vit þitt hefir þú til þess lagt, at
þetta mál felli þyngra enu áðr Oddi syni mínum,
ok kýs ek þik frá. Þá sitr þú, Hermundr,
höfðingi mikill“ — hann yppist við mjök ok
ætlaði at hann mundi hann til kjósa, — „þat
er víst nú“, segir Ófeigr, „at þik hefir ekki til
haldit nema fégirni ok ranglæti ok ójafnaðr;
engi hefir ok jafn-óðr at verit sem þú; skortir
þik ok eigi féit, ok hefir þú dregist til fyrir
ágirni sakir; nú kýs ek þik frá. Þar sitr þú
Járnskeggi; þat er mér sagt, at þú létir bera
merki fyrir þér norðr á Vöðla þingi, sem fyrir
konungum; nú skil ek eigi, hvar koma mun
metnaði þínum, ef þú hefir af þessu virðing, ok
kýs ek þík frá, ok verð ek fyrir þínum hlut
at sjá, at eigi geysist þú ór virðingunni. Þar
sitr þú, Skeggbroddi, hvárt var satt, at
Haraldr konungr mælti þat, at (þú) værir bezt til
konungs fallinn á Íslandi“. Hann segir: „Eigi
veit ek þat, mart mælti Haraldr konungr þat
til mín, er ek veit eigi, hverr alhugi því fylgdi“.
Ófeigr segir: „At síðr munda ek því samþykkjast,
at þú værir konungr á Íslandi, at eigi
skaltu konungr yfir þessu máli, ok kýs ek þik
frá. Þar sitr þú Gellir, þú ert kallaðr góðr
höfðingi ok réttlátr; þó hefir þér þetta ódrengilega
orðit, enn várkunn er á við þik, er þú
<< prev. page << föreg. sida << >> nästa sida >> next page >>
