Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ráð heldr, at kjósa at hann sé eigi sekr gerr,
ok munu menn verða til handsala, þeir sem
þér vilið. Enn þér handsalit niðrfall at sökum,
enn ek mun kjósa menn af yðru liði, þá er mér
sýnist, einn eða tvá, eða fleiri“. Hermundr
segir: „Láttu svá vera“. Þórarinn spaki segir:
„Játum því einu í dag, er vér iðrumst eigi á
morgin“. Hermundr segir: „Þessu munu vér
játa“. „Göngum nú til handsala“, segir Ófeigr,
ok svá var gert, ok handsöluðu þeir niðrfall at
sökum, enn hann fésátt slíka sem þeir vildu
gert hafa, er hann keri til, ok nú mælti Ófeigr:
„Göngum nú upp á völlu, ok mun ek þar til
kjósa þá er mér sýnist“. Þeir gera svá. Drífr
upp þangat á völluna mikill mannfjöldi. Þeir
fóru báðir saman, Gellir ok Egill, með flokka
sína, ok kómu upp á völlu. Þá mælti Ófeigr:
„Setist þér nú niðr, bandamenn í hring, ok
mun ek ganga fyrir yðr ok kjósa þá til míns
máls er mér sýnist“. Ok þeir gera svá. Hann
gengr at Styrmi, ok lyftir aftr kápuhettinum
á herðarnar, ok stóð á knjám ok mælti:
„Öllum mun þat líklegt þykkja, at ek muna þik
til kjósa til míns máls, er ek em þinn þingmaðr,
ok gefit þér góðar gjafir, ok væri þat líklegt,
at því máli mundi þykkja vel komit, er þú
gerðir, enn engi hefir þó jafnæstr at farit ok
öllum upphöfum valdit um þetta mál at þat
felli þyngra enn léttara. Oddi syni mínum, ok
<< prev. page << föreg. sida << >> nästa sida >> next page >>
