Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
hug koma, at svá skyldi fylgja mega þessu
máli, ok þykkjumst ek þér eiga bezt at launa“,
segir hann. Ófeigr segir: „Brúðlaup ykkart
skal vera at sex vikum hér á Mel“. Oddr
segir: „Þetta er svá ráðit, at ek vilda helzt
mér kjósa, enn þó mun ek halda fram ferðinni
ok vita, hve farsæll ek vera eða hvárt ek kem
aftr at ákveðinni stundu“. Ófeigr segir: „Ekki
kann ek þess at letja; mikit áttu undir
fargæfunni“. Hann tekr nú byr og siglir norðr
á Þorgeirsfjörð. Þá tók af byrinn ok lágu þar
nökkurar nætr. Þar var fyrir kaupskip. Nú
leiðist Oddi þar, ok biðr róa til lands báti
ok gengu upp á hátt fjall, ok sér Oddr, at
annat er veðrið úti fyrir, ok logn var á
firðinum. Oddr biðr þá flytja út skipit. Þeir
mæltu, kaupmennirnir, at þeim mundi drjúgt
verða at róa yfir hafit. Oddr segir: „Svá
hæðilegt sem yðr þykkir at vér róum, þá munda
ek þat ætla, at hér mundu þér vár bíða“. Þeir
taka byr ok sigla til Orkneyja, ok lögðu eigi
fyrr segl; váru þar nökkurar vikur; fóru aftr
síðan með góðum byr ok lágu þar kaupmennirnir
er þeir kómu aftr; sigla norðr ok létta
eigi fyrr enn þeir koma í Miðfjörð, ok ferr Oddr
heim til bús síns ok býst við veizlu ágætlegri;
skortir eigi efnin til. Kemr Gellir þar með
dóttur sína, ok þar kom Egill ok fjöldi manna;
fór veizlan sem vinir mundu kjósa. Egill var
<< prev. page << föreg. sida << >> nästa sida >> next page >>
