Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ekki kátr. Oddr leysir menn þaðan með góðum
gjöfum. Þá mælti Ófeigr: „Þat vilda ek,
at þú leystir Egil virðulega á burt; honum
eigum vér gott at launa“, segir hann. Oddr
segir: „Mér lízt sem þú hafir hann áðr af leyst“.
Ófeigr segir: „Ekki er svá; ger góðan sóma
til hans“. Annan dag eftir mælti Oddr til Egils:
„Ek lét reka upp eftir Hrútafirði fjóra tigu
geldinga ok yxn tvau; mun þat nú heima fyrir
þér, ok skal eigi forverkum gera við þik
meðan vit erum uppi. Egill þakkaði honum
ok hóf honum upp augu. Gellir olli mjök
gjöfum við Egil. Skiljast þeir þar.
10. Líðr af vetrinn, ok er vára tekr ferr
Hermundr til Hvamms leiðar, ok er hann ætlaði
utan, þá segir hann at þeir munu snúa ofan
til Borgar ok brenna Egil inni. Ok er þeir
koma utan í Valfell, þykkir þeim sem strengr
gjalli upp í skörðin, ok því næst kennir
Hermundr, at stingi kemr undir höndina ok
æðiverkr; verðr nú heim at snúa, ok ferr frá
honum liðit; ferr verkrinn um síðuna ok því
meira er um sóttina sem meir líðr upp í
heraðit ferðinni. Ok er þeir koma á Höggvandastaði,
var þar alt þakt af hröfnum, ok er hann
kemr heim var hann hafðr í rekkju ok var
farit eftir Þórði presti í Reykjaholt Sölvasyni, ok
er hann kom at honum mátti hann ekki mæla.
Ok er hann kom til hests síns prestrinn, var
<< prev. page << föreg. sida << >> nästa sida >> next page >>
