Full resolution (JPEG) - On this page / på denna sida - X.
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
_253_
aldri tenkt paa Berta Maria. Men so var det ei
Nott etter han var komen her upp, at han hadde
drøymt um henne so fagert. Han totte ho sat paa
Fanget hans, og han heldt lienne um Livet. Ho
lagde seg tett inn til han og heldt lian um Halsen,
og laag i Armarne hans so mjuk og so vann. Og
ho greet av Elskhug og Sorg, og han kjende det
taarevaate Andlitet inn imot sitt og var so glad og
sæl, at han kysste henne. Men ho bad, at han ikkje
maatte vera vond paa henne; det galne, ho hadde
gjort, det hadde ho gjort av di lio elskad i Vonløysa
ein, som ho ikkje kunde faa ... og ho smøygde
seg inn til han so tett, so tett, og der var ein Vaar
av Elskhug yver henne. Daniel vart so hjarteleg
glad; han kysste henne ein ,Gong til, og vaknad.
Men endaa kjende han det taarevarme Andlitet inn
mot sitt, og den mjuke, mjuke Kyssen, og han var
varm i Armarne etter henne, og trivlad ikring seg i
Forundring, fordi ho ikkje var her. Sidan hugsad
han denne Draumen, og slik, som han hadde set
henne i den, elskad han henne lengje. Han drøymde
Draumen uppatt og uppatt med vakne Augo, og kvar
Gong glødde det upp i han ein søt, sorgmild
Elskhug, som han ikkje hadde Hjarta til aa tyna. So
lengje dette stod paa, kunde det ikkje nytta aa fria
til Inga; for ho vilde nok forstaa, um der var Aalvor
i Leiken; og dessutan, so lengje ein ikkje hadde
Embættseksamen . . .
Daa det leid ut paa Hausten, var Frøken Hanna
so kjend med »Kandidat Braut«, at ho stundom fylgde
<< prev. page << föreg. sida << >> nästa sida >> next page >>
