Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
repræsentatam intuemur. Pro diversa ad Christum habitudine et
doctorum vel vigilantia vel negligentia, crescunt illæ aut
decrescunt; stant, nutant, jacent, resurgunt; lucent, obscurantur;
vigilant, nictant, dormiunt; frigent, calent, tepent; vincunt aut
succumbunt. Migrat etiam Ecelesia ab uno loco in alium,
lampade Divini verbi translata. Sub his mutationibus
ecclesiam suam invisibilem incorruptam servat et custodit Deus,
cujus sub fine seculi desinet militia et triumphus sempiternus
incipiet.
Sed intueamur humanam quoque vitam, æque multis
vicissitudinibus expositam. Pictorum mos est, interdum sub
rudi velo pingere, partim ne ducentem lineas sol interpellet,
partim etiam; ne adstantium oculi opus imperfectum
præmature videant. Absoluta vero pictura velamentum crassum
removetur, et suum cuique de opere jam perfecto loquendi ac
judicandi arbitrium permittitur. Ita nos homines plurima
cogitamus, plurima molimur et agimus, quorum pars in propatulo
est, pars magna in abscondito latet, quam nemo mortalium
videt, quaeque ad nullius notitiam pervenit. Solus Deus, cui
nihil velatum, cujusque oculis omnia patent, eorum est arbiter.
Cum vero ad finem deducitur vita, manus amovetur de tabula.
Iam pictura est absoluta, larva detrahitur et oppansum prius
velum diripitur; quod Siracides significanter expressit: in
fine hominis, inquiens, denudatio operum illius (Cap. II:
29). Unica tum horula detegit abscondita omnia ita ut nuda
conspiciantur, et morientis angor gaudiorum et moliminum
præcedentium memoriam spongiæ instar delet. Hinc velut
præco d. Paulus proclamat orbi integro: Statutum esi
hominibus semel mori, post hoc autem judicium (Ebr. IX.
23). Non secretum modo et particulare, dum in sua unicuique
morte sententia pronuntiatur, e qua intelligat animus, quid de
se futurum sit tota æternitate; sed demum sub fine seculi
universale quoque et solenne, tribunal, cui omnes sistemur,
quicunque ab Adamo sati sumus; sed longe diverso habitu,
spe, eventu. Anima vero corpore soluta judicii supremi diem
non exspectat dormiendo; sed mox a morte sua præmiis vel
suppliciis afficitur, et aut inter delitias cælestes, aut inter
flammas avernales, novum aeternumque cum corpore suo
connubium præstolatur.
<< prev. page << föreg. sida << >> nästa sida >> next page >>
