Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Multum tamen transfluxit temporis, antequam major aliqua
et universalior Finnoruni conversio fieret. Contigit illa demum
sub Erico S:to Sveciæ Rege, opera Episcopi B. Henrici circa
annum 1150, dum huic urbi proxime adjacentes regiones, anno
1248 quando duce Birgero Iarl Tavastii et australior pars
Ostrobotniæ, et demum 1293 dum armis Torkilli Canuti Carelii
et Cajanenses fuere sub jugum missi et ad Chrisrianismum
coacti.
Sed nullis såt explicari sermonibus potest, quam misera
fuerit illo ævo sub Papatu Ecclesiæ conditio. Ipsi doctores
linguæ Finnicæ ignari ad conversationem cum auditoribus
eorumque informationem interpretibus adhuc rudioribus
utebantur. Neqve doctrina, quam annuntiabant, amplius erat pura,
sed superstitionibus in cultu, erroribus in doctrina, corruptelis
in moribus foedata. Nihil tum frequentius, quam priscam et
Divinitus patefactam veritatem in principalioribus multis
capitibus deserere, eamque, diffusis errorum ac vanitatum retibus,
vel obstruere, vel intertexere et pervertere, ita ut essentialia
religionis ab humanis inventis plane obtegerentur. Pro puro
et incontaminato verbo Divino e limpidissimis Israëlis fontibus
hauriendo proponebantur, atque ad cælum usque evehebantur
humanæ fabulæ, traditiones, miracula et prodigia, eaqve tam
putida, tam absurda, ut demum ipsi vulgo sordescere
inciperent. Verbo uno: impietate, superstitione et stulta credulitate
plena erant omnia. Hinc Agricola, postquam in præfatione ad
Psalterium Finnicum, de quo mox plura, notissimis illis
versibus idololatriam veterum Finnorum gentilitiam exposuerat,
idolomaniam Pontificiam æque atris coloribus adumbrat:
Nin mös esken Pauin opin ala
Cumartin julckisest ja sala
Epelughuiset Loondocappalet
Jumalan sias quin pyhydet:
Quin oli tulda, vette ja mulda,
Oxi ja puita, ja coolutten luita,
Sola, muna, rohot ja lihat
Pidhit Herran paluelus siat.
Woico joku ne caiki ylöslukia,
Joista se Joucko itzens tukia?
<< prev. page << föreg. sida << >> nästa sida >> next page >>
