Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
16
EIN FRITENKJAR
Han slog sine feite Hendar ihop so det klass. „Ikkje
sant, Herr Kapellan?" — han snudde seg til Balle.
„Jau, i den Ting kann eg halde med Herr Futen," sagde
Balle, ,,um eg alltid vilde bruka mindre sterke
Ordlag." „Orsaka, orsaka," bad Futen og freista aa bøygje
sin stutte digre Person; „men me er samde i
Hovud-saki. Spelar Kapellanen Whist?" — Desse tvo kom
no i Prat ei Stund; Presten tala med Bøndane og saag
glad ut; so bar det aat Borde. Futen vilde strakst til
med Maten, og banna paa at det aldri fanst slik Mat
nokon Stad som paa ein norsk Prestegard; so vardest
han at dei hine sat og las Bordbøni, og so freista
han aa gjera som dei. Hauk var i Beit med Laatten;
for det høvde so uheppeleg, at Futen kom til aa sitja
rett imot honom ved Borde. Men Futen „las", og
las vel so lengi som dei hine; slutta so med eit
halvhøgt „Jesu Namn" som var meint paa aa høyrast yvi
heile Borde.
„Ja, som sagt," tok han i; „Kristindomen er ein
stor Ting, ei aalvorsam Sak. Det hev eg alltid sagt. —
Nei, nei, for delikat Supe, Frue! — Kva meiner no
De, Herr Hauk?"
„Um Kristindomen? eller um Supa?" svara denne.
„Um Kristindomen naturlegvis! for um Supa kann
det ikkje vera meir enn ei Meining. — Ah! superb!"
„Eg meiner det er best me held oss til Supa so
lengi," sagde Hauk.
„Ja visst," svara Futen; „men Kristindomen, det er
ein vigtig Ting, og det gjeld um aa faa den Saki klaar
for seg, som det stend i Avisa. Det er eit brenn–
hæ-hæ! — eit brennande Spursmaal, ser De! —
Jamenn er det det."
„Brennande Spursmaal duger ikkje til Maten," sagde
Hauk.
„Pøh!" meinte Futen, „eg er aldri meir i Lag til
aa tenkje paa Vaarherre og dei Ting enn naar eg fær
god Mat. Dessutan er det Kristindomen me hev aa
<< prev. page << föreg. sida << >> nästa sida >> next page >>
