Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
esse; Tuum enim est distinctissimum, et Alopecuri nimis affine, ut
caetera taceam; verbo tuum jam mihi videtur nova species.
Melissam maximam a Te missam jam habeo florentem, et
est ab Ocymo meo frutescente non modo specie sed et genere
distinctissima planta. Ipsa herba, caule, foliis, racemis, est
excepta sola fructificatione, adeo similis meo Ocymo frutescenti, ut
nequeam distinguere, et nisi haberem etiamnum specimen mei
Ocyini, fidem non haberem oculis propriis, sed fructificatio toto
coelo recedit; in mea corolla ocymi resupinata, stamina basi
appen-diculata. In Tua est corolla Melissae; stamina distantia Menthae;
verbo tua est omnino proprii et novi generis planta, distinguenda
calycis lacinia superiore brevi; sed imprimis stylis duobus
distinctis, quod in nullo alio genere didynamiae gymnospermiae
obtinet.
Florent etiam apud me ambae Tuae species Sinapios; hinc
quotidie dum me delectant, revocant inventoris et datoris
memoriam gratissimam.
Salvia foliis cordato-ovatis serratis rugosis, bracteis sub
verticillis senis, calycibus tridentatis. Ard. Spec. 1. p. 10. t. 2. est
nisi me omnia fallant Salvia mea urticae folia. Spero me hac
aestate visurum tuam Salviam florentem, quam Tibi debeo, enatam
priori anno.
Quando prodibit Tuum alterum specimen, quod avidissime
exspecto.
Malva Sherardiana crevit in caldario ad pedem et ultra;
flores ferre recusabat et primo vere, meo cum dolore periit; forte
annua, me doceas num habeat calycem inferiorem triphyllum, nec
ne, ex speciminibus tuis hoc videre nequeo.
Phalaris oryzoides noluit e seminibus a Te missis germinare,
ut ut ea in olla satis humida serui.
Miratus sum Bassi Ambrosiniam1 tam singulari structura floris,
uti ex ejus constat charactere.
Nuper habui novum genus capense, structura absolute
Dro-serae, sed fructicans et genere distinctissimum.
Me nunc exercet ultima species Geranii, quae gaudet Pistillis
5 distinctis absque rostro; sed non dum rite novi utrum sint flores
semper hermaphroditi vel polygami.
Quid novi moliuntur vestrates? quod Dus D. Cyrillus?2 quid
D. Bassi? quid D. Monti?3
<< prev. page << föreg. sida << >> nästa sida >> next page >>
