Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
BANKS, Sir JOSEPH.
Engelsk naturforskare och mecenat, född 1743, död 1820. Han var
president i Royal Society från 1778 till sin död. 1768—1771 deltog han jämte
Daniel Solander och andra i Cooks världsomsegling omhord på The Endeavour.
82.
Vir Illustrissime!
Ne aegre feras, qvod, in litteris Tuis1 respondendis, longam sane
interposui moram; neque mihi crede voluntas defuit, nec scribendi
materia, sed pudori erat, litteras antea transmittere, qvam occasionem sors
offerret observationes aliquot iisdem addere novas, ut Te, Vir Illustrissime,
certiorem facerem, memet tempus potissimum consumsisse in rimandis
naturae secretis, ejusque adytis penetrandis.
Postquam in eo per tempus versatus fuerim, ut nostratum
satisfacerem curiositati, jam aliud et quidem majoris momenti me avocat
negotium, pro nova scilicet peregrinatione necessaria quaevis parandi, qvod ut
eo melius perficerem, plurima amicitiae officia, proh dolor! necessaria
negligere cogebar, qvod cum ita est. in meliorem interpreteris qvasso,
me, specimina quae Tibi Vir illustrissime diu reservata fuere nec
transmittere posse, neque quae solidissimam Doctoris Solandri testantur
eruditionem, ob angustiam qva premor temporis prius publici facturum juris,
qvam, cum proprios iterum lares salutare mihi contigerit, dum spero fore,
ut ampla mihi detur ansa & promissum persolvendi & exspectationi Tuae,
Vir Illustrissime, ex voto faciendi satis.
Brevi amicis valedicens Angliam relinqvo; quatuor quidem iisque
peritissimis comitatus pictoribus, certe mihi persvadeo, ut omnia, quae
scientiam naturalem respiciunt, quoad fieri potest, adcurate delineata &
omnibus numeris expleta reportem, nec omni destituor spe, ad ignotas
adpellendi oras, dum quoque opportune erit polum antarcticum eminus
saltem contemplandi.
Veneratione & pietate Temet Vir Illustrissime sane prosequor
singulari, qvem dignum scientiae parentem nullo non tempore agnoscam. Ad
metam interea, qvam mihi proposui contendens, ex intimo pectore opto,
<< prev. page << föreg. sida << >> nästa sida >> next page >>
