Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
illucescat Ille dies, cum coram ipse Tibi deferam laborum &
lucubrationum primitias, qvae, Tibi Vir Illustrissime, ob maxima, qvibus in
Scientiis & praecipue naturali alteris antecellis merita, jure dicandae, sic vovet
permansurus qvoad vixero
Illustrissimi Nominis Tui
cultor observantissimus
Jos. Banks.
Dabam Lond. Anglor.
Die XXVI: Maji MDCCLXXII.
Linn. Soc., Vol. I: 324—325. Blott underskriften egenhändig; det öfriga
torde vara af Solanders hand.
1 Detta Linnés bref är f. n. okändt.
83.
Vir Illustrissime!
Ante hoc ■ quidem tempus ex publicis rerum novarum scriptis Te
crederem eruditum, quod eo usque mihi obsteterit sors, ut
peregrinationem ad Antarctica hac aestate inire plane nequeam, cujus quidem ratio
mihi adhuc latet, sed quantum conjicere liceat, anfractuoso adscribendum
est influxui sic dicto ministeriali, qvorum arbitrio judicioque civis existens
privatus adsentire & obtemperare duxi consultissimum1.
Verum enim vero, ut, per omnem vitam, studium cui a teneris usque
addictus fui, ea qua par est prosequar alacritate & constantia, in animum
jamjam induxi brevi tempore ad Islandiam adpellere, comitantibus
Celeberrimo Solandro, aliisque egregiae indolis juvenibus, quorum omnium
doctrina & peritia haud parum mihi promittit utilitatis & emolumenti.
Male siquidem stantibus rebus, nondum omnem amisi spem arduam
quidem sed desideratam iter proximo (si numini placeat) anno ingrediendi,
qvod eo facilius perficiendum puto, quanto certius proposito meo favet
Societas Mercatorum Ost-Indica, quibus nec voluntas, neque necessaria
desunt media.
Circa finem Octobris Angliam repetens, electionem (si fata
impediverint propositam profectionem) faciam speciminum ex orbe ignoto
deprom-torum, dotum instar, quae Tibi Vir Illustrissime muneri transmittenda ob
immortale in Scientia naturali meritum prae nobis, qui nunquam non Te
summe colendum aestimaturi erimus parentem, unico illo contenti praemio
<< prev. page << föreg. sida << >> nästa sida >> next page >>
