Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Harum aliquot per semina ab Amicissimo D. Hallmann tibi data
communicavi, easque raptim specifice indicavi, hac spe fretus vt Lapsus
vel errores forsan perpessos nedum prudens dissimulaveris, sed benignus
mihi insinuare dignaberis. Interea te conscium volo me certiorem factum
de pulcherrima Hedysari specie, cujus tum semina misi probe cognitum
habuisse ex quo plantam fructiferam examinavi, esse: Polygalo Gesneri
affine Caput Gallinaceum I. Bauli, hist. II. 336.
Superest vnice vt indigitare mihi digneris quales ex datis seminibus
tibi natae fuerint plantae, vt earum nomina conferre valeam cum siccis
plantis, et earum, dum vivae erant, adumbrationibus. Simul qualia eorum
germinare vel fructificare renuerint, vt nova semina quae expetas, nec
habeas, ad tui nutum transmittam. Venio ad alterum Epistolae punctum.
Aves, quarum notitiam a me exquirebas (putans ni fallor D. Sauvagesium
alloqui, cum de Alkata seu Filaoloa Aldrov. loquens frequentissirnam fore
dicas in Aquitania et Alaudam minimam locustae voce Raj. familiarem
apud Nos facias quoniam eaedem ocurrant Monspelii plantae ac Florentiae,
in cujus Vepretis est vulgatissima) sunt apud Matritenses vel nomine
prorsus ignotae, nec enim Ego Aviariae Rei Amantissimus tales nunquam
in viciniis Matritensibus vidi aut audivi, nec Venatores aut Aucuparij, quos
ex industria interrogavi, eas vel nomine tenus unquam notas habuere.
Earum vero defectum supplent aliae bene multae nec forsan minus
rarae Matritensi Caelo indigenae, quarum decades aliquot mihi licuit
observare et in vsum privatum adumbrare. Rariores et formosiores tibi
in-digitabo Scheda adjuncta ne Epistolae limites transgrediar, alias
paratissimus proximioribus litteris cujuslibet descriptionem tibi communicare, quam
tibi placere intellexerim.
Dabam Matriti 1758 die 15a Junij.
Utanskrift:
Clarissimo D. D. Carolo Linnteo
Arch. Reg. Med. et Bot. Prof. Vpsal
Vpsalice.
Linn. Soc., Vol. I: 334—335.
1 Detta Linnés bref är f. n. okändt.
5 Grefvinnan Sophia Lovisa Spahhe af Söfdebobg, född 1717, död 1766,
var gift med hofmarskalken Henric Jacob Hildebrand. vid denna tid svensk
envoyé i Spanien.
<< prev. page << föreg. sida << >> nästa sida >> next page >>
