Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Per-Illustri ac Celeberrimo
Domino Carolo von Linné,
Equiti aurato de Stella polari,
S. R. M. Sueciae Archiatro, reliqua,
S. P. D.
Johannes Bernstorfius.
Responsum ad Literas Tuas, voluntatis in me Tuae testes, die
XXIV Decembris anni superioris ad me exaratas, mihique longe
jucundissimas, non nisi eo consilio per aliquod tempus distuli, quod in dies
plura quaedam Forskaliana, abs Te, Per-lllustris Linnaee, jure sane Tuo
desiderata, e dissitis Orientis regionibus ad me perventura sperarem, quae,
si advenissent, Tecum e vestigio et perquam lubenter communicassem.
Spes ea me. quod impense doleo, fefellit, eandemque atrox illud,
nec unquam satis deplorandum fatum, quod viatoribus nostris in Arabia,
irreparabili fere rei et sacrae et literariae damno, tantopere fuit exitiale,
praescindit, et utinam non plane tollere videretur.
Ut benigniorem sortem in reditu experiatur ille, qui ex eorum
numero solus est superstes, idemque supellectilis literariae a reliquis
conquisitae custos unicus, id vero nobis quam maxime in votis est.
Gratias Tibi ago, Vir Celeberrime, insignes pro munere Tuo
Tentaminis luculenti de Opobalsamo, in quo tam splendide de Rege meo
Ejus-que in bonas Literas amore censes.
Ne, quaeso, dubites, me omni oblata occasione operam daturum, ut
Tibi constet, quanti ego faciam illustre nomen Tuum et merita summa,
quibus in Orbe erudito clares et immortali fama clarebis. Si quid
unquam erit penes me, quod Tibi acceptum fore judicabo, mihi credas,
velim, ejus Te participem reddere mihi tam erit gratum, quam quod
gratissimum. Vale.
Dabam Hafniae die XXV. m. Maji, A. D. MDCCLXV.
Linn. Soc., Vol. I: 550—551.
<< prev. page << föreg. sida << >> nästa sida >> next page >>
