Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
mortalis legislatoris determinatione, imperii plenitudinem
seu potestatis habere.
14. Principatum seu jurisdictionem coactivam supra
quemquam clericum aut laicum, etiam si haereticus exstet,
nullum episcopum vel sacerdotem, in quantum hujusmodi,
ullam habere.
15. Super omnem singularem personam mortalem,
cujuscunque conditionis exsistat, atque collegium laicorum
ac clericorum, auctoritate legislatoris solummodo principem
jurisdictionem, tam realem quam personalem, coactivam
habere.
16. Excommunicare quemquam aut divinorum officia
interdicere, absque fidelis legislatoris auctoritate, nulli
episcopo vel sacerdoti aut ipsorum collegio licere.
17. Omnes episcopos aequalis auctoritatis esse
immediate per Christum, neque secundum legem divinam
convinci posse, in spiritalibus aut temporalibus praeesse
invicem vel subesse.
18. Auctoritate divina, legislatoris humani fidelis
interveniente consensu seu concessione, sic alios episcopos
communiter aut divisim excommunicare posse Romanum
pontificem, et in ipsum auctoritatem aliam exercere,
quemadmodum e converso.
19. Conjugia seu matrimonia divina lege, nova
praesertim, prohibita per mortalem neminem dispensari posse;
humana vero lege prohibita ad solius legislatoris vel per
ipsius principantem [-is] auctoritate [-em] pertinere.
20. Natos non ex legitimo thoro seu matrimonio
legitimos facere sic, ut hereditarie succedere possint, aliaque
suscipere civilia et ecclesiastica officia et beneficia, ad
solum fidelem legislatorem noscitur pertinere.
21. Ad ecclesiasticos ordines promovendos
ipsorum-que sufficientiam judicare judicio coactivo, ad solum
legislatorem fidelem spectare; ac sine ipsius auctoritate
quemquam promovere ad hoc, cuiquam sacerdoti vel episcopo
non licere.
22. Numerum ecclesiarum sive templorum, ac in ipsis
<< prev. page << föreg. sida << >> nästa sida >> next page >>
