- Project Runeberg -  Historia de gentibus septentrionalibus /
406

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Duodecimus. De structuris aquilonaribus - Præfatio

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

406        DE STRVCTV. AQVILO.



illustration placeholder

PRÆFATIO.


                                        TRANSCRIPTIS superioribus XI. libris de secretioribus
                                        naturæ effectibus, deorum mani cultura, minerarum opulentiis,
                                        Regum electionibus, armorum præparamentis,
                                        atque campestribus, sylvestribus, navalibus, & glacialibus
                                        bellis, sereno tandem fœdere compositis, atque firma pace corroboratis,
                                        ordo necessarius exigit, vt ad ædes hostili furore
                                        consumptas, artificis industria properet, & restauret: quod
                                        eo facilius efficiat, quo materialia gratis inveniet bonitate
                                        naturæ, præsertim in saxifodinis, accommodata. Quales
autem sint hæ partes ædificiorum componendorum, illico primo capite sequenti dicetur.
Nec desunt vires quin arduas ædificent ædes, licet ordine variato ab Italicis
structuris, insigni magnificentia ac altis operibus elaboratis.
VErum vt moderni temporis Aquilonares architecti, insigniores stucturas prisci
seculi late per orbem divisas, magis admirari, quam imitari valeant, præstat
intelligere, septem tantum terris loco miraculi fabricas fuisse relictas,
1 Ephesi videlicet Dianæ templum,
2 Regis Mausoli pulcherrimum monumentum,
3 Rhodi Solis æneum signum,
4 Olympici Iovis simulachrum,
5 Cyri Medorum Regis domum,
6 Babiloniæ muros, quos Regina Semiramis latere cocto, sulphure, ferroque
constuxit, &
7 Pyramides Aegypti.
Sed quis illa vlterius putabit esse præcipuas cum in vna vrbe Roma IVLII III.
PONT. MAX. pretiosum, & admirabile theatrum, atque decorum fontem,
pro publica cunctarum gentium salute, incomparabili naturae & artis pulchritudine
excogitatum, diversicolorumque lapidum concordi varietate conspexerit fabricantum:
vt merito totius orbis octavum spectaculum æternis laudibus asserat prosequendum,
ac extollendum. Habuerunt honorem veteres fabricæ, quia tempore inrudi
seculo præcesserunt, dum quicquid emergeret insolitum, ore omnium, & jure
quidem, ferebatur eximium Nunc autem eo clarior, ac excellentior æstimatur antiquitas,
quo novo vestita decore ornatum adauget, & vtilitatem: quæ vti longis
ætatibus retroadis ignaræ vetustati non patuit, ita nunc stupenda pulchritudine aquarum
necessariam abundantiam, cunctis seculis clausam, gratis, & perenniter infinitis
ætatibus, & creaturis administrat.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0492.html

Valid HTML 4.0! All our files are DRM-free