Full resolution (JPEG) - On this page / på denna sida - Arne Garborg: Kyrkja og Borgarsamfunde
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Arne Garborg.
lære av og elles gjera seg nyttig i sit Arbeid for Gudsrike,
«Himilrike».
Som me ser : mot Skrymting og Lygn paa den eine Sida
som mot Urett, Vald, Magtsjuke, Æresjuke, Gullsjuke paa
den andre er Jesus ein streng Domar, mindre rædd sterke
Ord enn vel dei djervaste Teologane no um Dagen. Og nåar
ein høyrer «Bror til Herren», Apostelen Jakob, i Breve sitt
tala Aalvor til «dei rike», av di dei «forheld Løni for dei
Arbeidarane som hev skori deira Aakrar», so kjem ein
ved Motsetningi lett til aa minnast Luther som fordømde
Bøndane, daa dei reiste seg mot sine Valdsherrar, og vel
helst venta Studnad av den store kyrkjelege Upprorsmannen,
Arbeidarsonen fraa Eisleben. Eg trur Kyrkja vilde vinne
mykje, um ho i Striden millom Liding og Urett fekk Mod til
aa fylgje Jesus meir enn Luther, tala Sanning til alle Sidur,
ikkje minst til den Kanten der det trengst mest.
Men Bode um aa ikkje døme, det maa ho hugse
likso vel. Segja Sanning til alle Sidur, men lata Herren
døme i dei einskilde Tilfelle, so lengi Syndaren ikkje ved
trassug Framferd dømer seg sjølv, det maa vera den rette
Framgangsmaaten.
Villt, fælslegt veks i vaare Dagar Mishøve millom Rikdom
og Fatigdom; endaa meir enn i si eigi Tid vilde Jesus no
døme dei rike «usæle». Og det mest av di dei so halvt kjen
ner si Skuld mot Armodi, men sjeldan vedgjeng denne Skuldi,
eller gjer noko til aa rette paa det range. I den kjende
Liknaden hjaa Lukas sender Jesus den rike til Hades av den
eine Grunnen at han roleg nyt sin Rikdom og læt Armingen
liggje hjelpelaus; soleis fer Rikmennar flest no med. Og
endaa vil dei gjerne pynte seg med Jesu Namn. Men for
dei rette Mammonstrælane fraa våar Tid hadde Jesus sjølv
knapt visst Raad ; han hadde i det høgste kunna trøyste seg
som han gjer hjaa Mattæus (19: 26).
Det er elles ikkje Rikdomen, Jesus dømer; Rikdom rett
nytta er god; det kann me lære jamvel av Sogo um den
langtifraa syndefrie Sakkæus. Rikdom er faarleg av di han
so lett bind sin Mann; men ein rik som held seg aandelegt
fri, so han i all si Ferd unner sin Næste som han unner seg
sjølv, han vil som ein Abraham eller Isak kunna taka sin
Rikdom som ei Gudsgaave.
<< prev. page << föreg. sida << >> nästa sida >> next page >>
