Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
virentes piceæ, sacrificia quoq; ipsi offert, pelles rangiferinas, cornua,
crania, se deniq; cum familia omni prosternit, Seitæque implorat
opem, ac ut signo aliquo testari velit, se verum esse Deum, rogat.
Postquam vero signum accipit nullum, licet toto die devotione
summa orasset, ipse cum suis surgit, ligna arida conjicit in idolum,
iisque accensis Seitan totius illius pagi comburit. Cumque ob id
vicini, ejus ipsum vellent occidere, cur inquit, non finitis ipsum
Deum sumere de me ultionem? Factus autem Pæiviæ dein tam
constans religionis Christianæ cultor, ut cum alii minarentur ei
damna magicis suis artibus, is contra caneret Symbolum Apostolicū
Orationem Dominicam, & id genus; Omnes Seitas, quotquot
posset, cremaret, mitteret postremo filium, ætate maximum, ad
Enareby, ut idola omnia ibi etiam exstirparet. Quod ob factum
is filius ejus, Wuollaba nomine, fugere in Norvagiam est coactus,
metu insidiarum, quas struebant ipsi Enarenses. Jam ut hic
Seitam suum, ita Clemmet quidam, Lappo Tenobyensis, suum
tympanum abolevit, de quo idem Tornæus testatur, quod admonitus non
semel à sacerdote, noluerit reddere tympanum. Postremo matrem
ejus incidisse in morbum gravem, illum contra quæsivisse
remedium per tympanum, sed matrem nihilo fecius esse defunctam.
Itaque tympanum in frusta conscidisse minima, adjecto, se videre,
tympani nullum esse usum. Habemus itaque religionem Christianam
haud paulo melius excultam apud Lapponas, & ab ipsis
Lapponibus receptam, & adhibitam in quotidianos usus, quam fuit
priscis temporibus. Licetque hinc colligere, quantam adhibuerint
curam, quotquot hoc negotium auctoritate sua, consilio, suasu,
ministeriove potuerunt promovere. Quanquam ne sic quidem
eo res deducta sit, ut de exstirpata omni vetere impietate
jure debeamus gloriari, ut nunc in sequentibus
monstrabitur.
<< prev. page << föreg. sida << >> nästa sida >> next page >>
