Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
demonstratum. Primus Thor est, sive Thordoen, Suetica translatione, hoc
est Thorus, sive Tonitru. Ipsis sua lingua Tiermes dicitur, quo
significatur, quicquid strepitus & fragores edit. Ut proinde Tiermes,
si respicias vim vocis, ille ipse sit, quem Latini nominarunt
Jovem tonantem, conveniatque plane cum Deo Tarami, sive
Tarani, de quo in Upsalia est actum. Cum præsertim Tiermes
specialiori notione referant ad tonitrua, quæ putant esse animata per
virtutem singularem & eximiam, quæ sit in cœlis. Samuel Rheen. c. 25.
Thor eller Thordoen haolla the vvara ett lefvvandes ting, som suo
dundrar i himmelenn. Hoc est: Thorum sive Thordoen h.e. Tonitru
rem putant esse viventem, quaæ sic tonet in cœlis. Vocat Thor &
Thordoen sive Tonitru, quod Lapponibus est Tiermes, ipsamque
illam vim significat, per quam tonitrua eduntur. Neque aliud est
aliquid, quam Deus tonans. Ideo iisdem etiam Aijeke vocatur.
Nam Aijeke Lapponibus, qui Latinis avus, proavus, atavus.
Nempe hoc vocarunt modo, sicuti Latini Jovem patrem, Suceci gubba,
quod sit quasi pater bonus, avus, aut proavus noster. Qui cum
tonat, est Tiermes, voce simili cum Scytharum Tarami, hoc
est, Toro aut Torone apud Suecos. Hunc Tiermes sive Aijeke,
quem ex fragore tonitruum, & vi fulminum sumptis argumentis
intellexisse, ac iccirco Tiermes nuncupasse arbitror, Lappi colunt,
quod in ejus potestate credant vitas hominum ac mortes, valetudinem
ac morbos esse collocatos. Samuel Rheen: Denne Thor
mena the hafvva macht oefvver menniskiones hælsa och sundheet, liif
och doedh. Hoc est: Thorum hunc (quem nempe Aijeke vel
Tiermes nominant) habere credunt potestatem in valetudinem hominum ac
salutem, vitam atque mortem. Deinde facultatem ei tribuunt in
dæmonia noxia, rupes, montes, lacus habitantia, quæ castiget ac
coerceat, quandoque feriat fulminibus, ac interficiat, sicut apud
Latinos veteres emittere fulmina in noxios & flagitiosos generis
cujuscunque Jupiter credebatur. Idem: Thordoens æmbete haolla
the vvara, att doeda och dræpa alla troll. Hoc est: officium sive
murus tonitruum arbitrantur esse, ut cædant atque interficiant omnes
pravos dæmonas. Atque isto fine Thoroni sive Tiermes suo quoque
<< prev. page << föreg. sida << >> nästa sida >> next page >>
