Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ambiat, tantum in eo dependeat à tergo; corpori quoque medio
cingulum argenteum circumdat. Idem: Sedan uthborstar hon
uth sitt haor, och sætter itt fœrgylt sœlfvver bælte eller tu pao sitt
hufvvud. Item, binder och kring om sigh itt sœlfvver bælte. Hoc est: Tum
solutos pectit capillos, eisqu; imponit cingulum argenteum deauratum
unum, vel duo, corpori quoq; circumligat cingulum argenteum. Hic
sponsæ ornatus est. Nisi quod & vestis lineæ nonnihil, instar
flammei quandoque capiti imponant, quod & alias mulieres solent, cum
se multum volunt ornare. Nam quod vestes attinet, jam supra
vidimus, utrumque sponsum & sponsam uti propriis, isque optimis,
ac qualibus in festis diebus solent ornati esse. Mulierum ostendimus
alio loco nominari volpi, esseque ex lana pannove pretiosiore.
Ut ne hic quidem convenienter satis hodiernæ consuetudini Olaus
Magnus loco ante indicato de sponsa Lapponica: Sponsam
armelinis pellibus ac Zabellinis ornatam rangifero imponunt. Ornati ambo
hodie deducuntur ad templum vel sacerdotem. Samuel Rheen:
Andra dagen ther effter, reesa the till kirkian eller præsten att
copuleras. Hoc est: Postridie (quam convenerunt omnes in tugurio
parentum sponsæ) proficiscuntur ad templum, seu sacerdotem, ut
copulentur. Olim aliter factum est, si credimus Olao Magno. Nam
copulabantur domi, nec à sacerdote, sed parentibus. Verba ejus
lib. IV. c. 7. quo loco agit de nuptiis Lapponum, ut docet titulus
ejus capitis: Præsentibus amicis & sanguine junctis, parentes per
ignem fœderant conjugia natorum, & hoc ferro & silice per excussionem.
Nominatim hic parentes facit copulanres sive fœderantes, additq́;
modum etiam, per ignem scilicet, excussum silice, quod sine dubio,
ut alia nonnulla, ex Zieglero hausit. Sed Zieglerus nihil habet de
parentibus; modum rantum copulationis explicat his verbis:
Fœderant conjugia: ea auspicantur in igne & silice, mysterio conjugali tam
apto, ut putant, ut eo nihil sit aptius. Vi enim silex latentem in se ignem
habet, qui concussione emicat, sic in utroque sexu est recondita vita, quæ
tandem profertur mutua copula in prolem viventem. Atque ita
plane & Olaus, ut vix possit esse dubium, quin secutus sit Zieglerum.
Addit tamen & hoc, quod sponsa imponatur rangifero. Nuptiis
<< prev. page << föreg. sida << >> nästa sida >> next page >>
