Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
233
wart Item bidde ik jwen gnaden to weten dat hir
dorch segelden vij schepe mit mersen vnde xxiij
snyk-ken vnde lepen hir vor de hauenen vnde vort dorch
den Sunt in Norwegen vnde dar volgeden em desse
myns heren volk vnde wunnen de vyttaligen broders
aff vij schepe mit mersen vnde iij snikken vnde
ven-gen er wol vc [500] vnde mer sunder swerdes slach
vnde de schepe hebbet ze hir vnde de Sweden sin hir
komen mit alle erer macht Item bidde ik jwen
gnaden to weten dat hir heringes to gheyt dar ik jwen
gnaden en luttingk van sende vnde bidde jwen
gnaden den to dancke to nemen . Hedde ik des mer kunt
krigen gerne hedde ik es jwen gnaden mer sant to
desser tijd Item bidde ik jwen gnaden to weten dat
ik an des rikes råde hir vor nomeu hebbe oft jwe
gnade hir dorch den sunt hebben wolde xx ofte xxx
schepe vnde jwe gnade dar vmme an den koningk
scriuen wolde so is dat so ouer dregen dat des de
koningk gerne gunnen wolde sunder jwe gnade muste
dar vmme scriuen an em so wolde he ze gerne
leyden Hir nach jwe gnade vpdencke nicht mer to
desser tyd men wil jw gnade mer tydinges weten dat
mogen jw de[ss]e schipperen berichten Dar mede
be-uele ik jwe gnade deme almechtige Gode . [Ge]geuen
to Kopenhauen des negesten dages na vnser vrouwen
dage assumpcionis vnder myn signet
Bertold Burammer
Utanskrift:
Derne erwerdige geystliken heren here Pawel van
Rustorp homester Dutsches Ordens in Prusen kome
desse breff mit werdicheyt
<< prev. page << föreg. sida << >> nästa sida >> next page >>
