Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
213
schen vns vnde koningk C[ristiern], vnde als gy
vur-der schreuen in den sulven breffe vnder mer worden,
off wij geneget sijn to vrede eren vnde to rechte, so
wille gy juwen vterlikesten vlit by den Steden der
Hense don vmme to besende, off gij se dar to
vor-mogen mochten, dat se mit jw eijne dagfart twisschen
vns vnde koningk C[ristiern] bynnen Calmarn op
bequeme tit to holdende bearbeiden vnde de ok mede
besenden wolden, vnde dat gy kosth vnde moye nicht
willen sparen, dar op dat de vorberorde vorderfflike
krigh mach werden aff gelecht &c, ök dat gy juwe
badeschap mit juwen breven vtgesant hadden, vmme
eynen vruntliken dagh twisschen vns vnde konung
C[ristiern] bynnen Calmarn ope Valborgis negest
vorgangen to holden, welke juwe badeschop, vtgesant sulke
vorhandelunge an vns to bryngende, merkeliken is
geworden vorhindert, vor welke juwe lofflike to
schriffun-ge, guden willen vnde vruntlike bewisunge wij jw
vruntliken danken. Et is to merken, dat we sulke
badeschap vorhindert heft, deme is nene leve to vrede,
eren vnde to rechte. Ök wethe gy leven vrunde wol,
dat dat erste jar’als wy [to] koninge gekaren worden,
do schreffe vnde bode wy jw to, dat gy vns to aller
dinge to eren vnde rechte vulmechtigh wesen solden
&c vnde hebben manige dagfart besocht vnde besöken
laten tegen koningk C[ristierns] redere, vmme ere
vnde recht to dön vnde to vntfangen, welke de sik
doch nij to jenigen rechte geneget edder gutwillich
vinden lathen wolden, sunder sijn alletit begerende
ge-uesth vns vnde de vnsen mit vnrechte to vorfolgen
vnde to besliken, besunder, als gy vnde eyn juwelik
rechtferdich minssche merken vnde derkennen mach
<< prev. page << föreg. sida << >> nästa sida >> next page >>
