Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
214
in der vtsettinge, als wy ersten suluen personliken,
ere wy vordreffen worden, to Watzstene vnde vnse
erlike Redere vnde sendebade to jare to Halmstede
vtsatten vnde begerende weren van vnser vnde alle
vnser vndersaten wegen, wor van wy jw senden eyne
kopie hir innebesluten, welke erlike vnde rechtferdige
tobedinge koningk C[ristierns] redere dogh nenerleye
wis apnemen edder to lathen wolden, wor vmme
sed-der der tit manich minssche to vorderffue vnde schade
gekamen sijn beyde to liffe vnde to gude, welket Got
weyt, dat vns van gantzem herten leyt is. Ök sende
wy juwen ersamicheiden vor welke tit vorledes etlike
breve inneholdende, als gy ok vinden hir inne, off de
breffe nicht vort gekainen sijn. Ök sende wy juwen
ersamicheiden vnsen vulmechtigen apenne vorsegelde
macht breff vnd bidden jw vruntliken, dat gij vmme
rechtferdicheit vnde des gemeijnen beste willen willet
jw sulk kosth vnde moye an nemen vnde dar to
hel-pen, dat sulke vorderfflike krigh möge aff gelecht
werden in vruntschap offte mit rechte. Do gy dat,
so möge gij vnde alle de genen, de dar to helpen
werden den vorberorden krigh aff to leggen, van Gade
groten Ion vorhapende sijn, ök vorschulde wy et gerne
wor wy können vnde mogen vmme juwe ersamicheide,
de wy befeien Gade dem almechtigen. Geschreuen
op vnsem slate Stokesholip am dingesdage negest vor
phirigesten vnder vnse secret anno domini mcdlx nono.
Utamkrift:
Den ersamen vorsichtigen vnde wolwisen heren
borgermesteren vnde rathmannen der stat Lubeke,
vnsen besunderen leven vrunden.
<< prev. page << föreg. sida << >> nästa sida >> next page >>
