Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
471
1544. 23. Maj.
daraus allerlay nachgedenken und sorgnus erwachsen, dardurch
die aufgericht freuntschaft nit so vertrawet, auch die hand
tierung der underthanen unser erbkunigreichen und lauden auch
der kunigreich Denemark und Norwegen und andern fursten-
Ihumben und landen des erwelten kunigs und seiner brueder
nit so gar vest und bestendig, wie ir begern wol were, sein
wurde; — demnacb dieweil unser gemuet hierin nit anderst ist,
dan einen bestendigen friden aufzurichten, auch dieselben soviel
huer muglich one ainichen weittern missverstandt zu vergwissen
genaigt und gentzlich gesynet sein, so wellen wir ferrer erclert
liaben und thuen solichs hiemit wissentlich in craft ditz briefs,
das unser will und mainung je und alweg gewest und noch
ist, solichen friden festigklich und unverbrochenlich zu halten
und darinen gar kain missvertrawen oder nachgedenken gemelten
erwelten kunig zu Denemark zuelassen, sonder das, wie im
obgemelter abredt vermeldet, die obangezogne gebrechen und
irrungen mit kunig Christiern und seine liebden tochtern guet
lich hingelegt werden sollen, wie dan gemelt des erwelten kunigs
cornmissarii bey irer herschaft dasselbig mit allem vleyss zu
handlen und zu befordern zuegesagt haben. Darauf dan wir
fur uns, unser erblich kunigreich und landen hiemit versprechen,
wider gemelten erwelten kunig noch obgemelte kunigreich und
lande aus ursach der augezognen irrungen und gebrechen kain
krieg directe oder indirecte furzunemen, doch mit der condition
und beschaidenhait und nit anderst, dan sover gedachter er
welter kunig uber obgemellen fridens und verainigung tractat
oder abredt sein ratification zu geburender zeit, wie in dem
selben vertrag vermeldet, uns dargegen uberantworten und zue
stellen wurde lassen, alles treulich und ungeferlich. Mit urkunt
ditz briefs, besiglt mit un senn kaiserlichen anhangenden in
sigl. Geben in unser und des reichs stat Speyr am dreyund
zwainzigisten tag des monats Maij nach Christi unsers lieben
herrn geburt funfzehen hundert und im vierundvierzigisten,
unsers kayserthumbs im vierundzwainzigisten und unserer reiche
im neunundzwainzigisten jarn.
V1 Naues. Charles.
Ad mandatum Cesar.
et cath. Mat;is proprium.
Baue.
<< prev. page << föreg. sida << >> nästa sida >> next page >>
