Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Tandem advenit B. Lutherus, qui Catechesibus suis, in primis
minori, immortaliter de Ecclesia Dei fuit meritus.
Unicus Catholico tempore usui ecclesiarum Finnicarum
editus est liber, „Breviarium nimirum vel Missale Aboënse",
quod typis Bartholomæi Gothan A:o 1488 Lubecæ prodiit,
quodque vulgandum curavit Episcopus Aboënsis Mag.
Conradus Bitze, vel, ut semet ipsum compellat: Bystz. In brevi
præfatione, data die 17 Augusti ejus anni, indicat, se
animadvertisse in sua dioecesi librorum missalium paucitatem,
eorumque corruptionem non modicam; unde orta est sacerdotum
celebrantium turbatio et indevotio. Hinc libros hos missales,
per Danielem de Egher, Parisiensem Theologiæ Professorem
optime correctos, pro gloria Christi Ihesu imprimendos duxit.
Eos itaque jam approbat et confirmat, atque singulis
sacerdotibus suæ dioeceseos, ex eis missas legentibus et
celebrantibus, toties quoties, de omnipotentis Dei misericordia et
auctoritate beatorum Petri et Pauli confisus, quadraginta dies
indulgentiarum de injunctis sibi poenitentiis misericorditer relaxat.
Præfationem anteoedit figura ipsius Bitzii in habitu
Pontificali, ruditer ligno incisa et coloribus picta. Librum dextra
manu gestat, cui incumbit digitus S. Henrici cum annulo,
sinistra vero pedum Episcopale. Ante se habet arma Bitziana,
quæ etiam in variis hujus regionis templis conspiciuntur, lis
nimirum, quæ vel ædificari vel ornari curavit, rupicapra nigra
cornubus rubris in fundo flavo, viridem scandens montern.
Pedibus Episcopi subjectus est Lallius, dextra securim,
sinistra pileum tenens. Latus Pontificis cingunt bini in genua
procumbentes clerici, quorum, qui a dextris adest, arma gestat
Stiernekorsiana; hinc procul omni dubio est Archipræpositus
Aboënsis et postea Bitzii in Episcopatu successor, Mag.
Magnus Nicolai de Serkelax; adeoque hæc pictura dirimit
quæstionem: An fuerit hic Magnus Stiernekorsianæ, an vero
Carpelanæ prosapiæ? Pone hos bini adstant Monachi, ordinis,
ut videtur, Francisci. In essentialibus parum differt hoc
nostrum a reliquis antiquis aliarum dioecesium Breviariis. Per
se patet, in Aboënsi S:ti Henrici memoriam ante omnia multis
laudibus celebrari, ejusque auxilium expeti; utpote qui non
modo Finniæ Apostolus salutabatur, sed etiam inter sanctos
totius regni Suecici patronos eximium occupabat locum.
<< prev. page << föreg. sida << >> nästa sida >> next page >>
