Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Credibile est, fuisse illo ævo Clericos haud paucos,
quorum integram Bibliothecam ejusmodi Breviarium vel Missale
constituit. De quibus itaque dici potuit, quod in Epistolis
Schwebelianis de similis farinæ hominibus ait Casparus
Glaserus: Homines isti libros nullos habent præter dormi secure.
Est mihi Breviarium Stregnesense, cujus operculo incisum
est repositorium eonspicillorum, quibus vix saepius usus est
antiquus possessor, quam quoties ex isto libro officio fungi
eum oportuit.
Sed quo densiores ævo Pontificio regioni nostræ
incumbebant tenebræ, eo lætior erat oriens demum repurgatæ
religionis aurora. Et quo serius ad Christianismum conversa est
Finnia, eo citius et avidius reformata sacra arripuit.
Magnitudo benificii hujus Divini sancta recolenda est memoria, quod
brevissimo tempore, sine cæde et sanguine, immo absque
turbis ullis alibi diu grassantibus, idolomaniæ Pontificiæ facta
fuerit penes nos expurgatio, atque doctrina Christiana, ante
foedissime corrupta, pristino nitori restituta, nosque ab
erroribus ad veritatem, a corruptelis morum ad sanctiorem vitæ
usum feliciter translati.
Post Deum et Regem Gustavum I:m hoc in acceptis
referendum est Episcopo Martino Skytte, qui, ut erat pietate
conspicuus et propagator veri cultus Dei, ita de juventutis
institutione in scientiis et sincera religione maximam gerebat
curam. Cum vero domi obtineri non posset talis eruditio,
juvenes eximiæ indolis ad exteras ablegavit Academias, præcipue
Wittebergensem, quibus e reditibus Episcopatus, qui eum in
finem ipsi a Rege relicti erant, studiorum subsidia contulit.
Octo hi erant, nimirum Michaël Agricola et Paulus Justén,
qui post alia officia facti sunt Episcopi Aboënses, Ericus
Herkepæus, qui Wiburgensis, Canutus Johannis et Gregorius
Teit, primum Rectores Scholæ deinde Pastores Aboënses,
Martinus Teit, cui principum Regiorum juniorum informatio
credebatur, quique Holmiæ vitam finiit; Simon denique Henrici
Wiburgius et Thomas Francisci, quibus diuturna non
contigit vitæ usura. Hi solida eruditione instructi et laurea
Magisterii decorati domum redeuntes felicem operam in vinea
Domini ab humanis traditionibus aliisque errorum sordibus
repurganda, inque instituenda pube scholastica et coetu
<< prev. page << föreg. sida << >> nästa sida >> next page >>
