Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
semper est idem. Varii quoque in Finnico comparent, qui
desunt in Svecano, et vice versa.
Sed nec Rituale Ecclesiasticum Finnicum antiquissimum,
vulgo Manuale, erit plane intactum relinquendum. Sub titulo:
„Käsikiria Castesta ja muista Christicunnan menoista,"
edebatur Holmiæ, typis Amundi Laurentii 1549. Interpres non
nominatur; sed ostendunt omnes circumstantiæ, atque
Messenius una cum Scheffero testes sunt, eum non fuisse alium,
quam sæpius adductum Agricolam. In essentialibus congruit
cum Olai Petri Svecico Rituali; sumsit tamen Agricola sibi
licentiam nonnulla mutandi et addendi. Ita Baptismati
præmittitur admonitio ad susceptores, qui inusitata jam voce
appellantur „Gutzet," et ad reliquos præsentes. Alia quoque
ad Sacerdotes, ut sub administratione hujus Sacramenti pie
se gerant, neque ephebis aut ignotis, sed justæ ætatis et
integræ famæ hominibus munus susceptorum concedant. Tam
in hoc Finnonico, quam antiquissimo Svecico, variæ
ceremoniæ Pontificiæ adhuc retinentur. Exorcismus pluribus et
durioribus verbis erat consignatus. Sal ori infantis indere
oportuit, cum certa precationis formula. Sub oratione Dominica
non modo Sacerdotis manus erat baptizando imponenda, sed
etiam ipsi una cum susceptoribus in genua procumbendum
Ad hæc verba: „Deus benedicat introitui tuo", oportebat eum
apprehendere manum infantis, eumque in tempium deducere.
Quæ enim præcedebant, extra ostium peragebantur, jam vero
ad baptisterium, situm in templo, sed non procul a foribus, ut
in templo nostro Cathedrali ostendit antiquum illud lapideum,
procedendum erat. His omnibus significabatur, baptismum
esse introitum in ecclesiam. Mox post peractum baptismum
erat infans albis vestibus induendus, et manui ejus inserenda
candela ardens, addito ad utrumque ritum certo voto. Unctio
vero capitis chrismate in formam crucis, quam requirit Rituale
vetus Svecicum, cum hoc nostrum ederetur, jam fuit rejecta
et abolita.
Copulationi matrimoniali præmittitur iterum Agricolæ
præfamen, cui subnectit XVI regulas circa legitimum
matrimonium ineundum. In VII:ma requiritur a copulandis illa
tantum ætas, ut Sponsus XV:m, Sponsa XIV:m annum attigerit
<< prev. page << föreg. sida << >> nästa sida >> next page >>
