Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
officium poenitentiarii fuisse etjam post reformationem, et fere
ad tempora Regis Caroli IX:i qui omnes titulos sub papatu
exortos et hierarchiam redolentes abrogatas voluit, in ecclesiis
cathedralibus et hac quoque nostra servatum. Huic
incumbebat, graviores peccatores ad absolutionem publicam præparare,
et poenam quoque ecclesiasticam, pro ratione delicti, illis
infligere. Ita Carolus Petri Aboënsis poenitentiarius, scripto
d. 15 Jun. 1579 dato testatur, quendam Thomam Marci post
commissum delictum et ostensam poenitentiam fuisse publice
absolutum, et in gremium Ecclesiæ receptum, ea tamen sub
conditione, ut ad tempus D. Petri templo se abstineat, et pane
aquaque vivat. Tum demum licitum esse pastori loci, illum
ad S. Synaxin admittere. Teneri eum etjam postea per
integram vitam quolibet die lunæ a carnibus jejunare, diebus Solis
ad pomeridiem, non eum in finem, ceu addit, quo Deo
ejusmodi jejunio concilietur, sed ut eommissum flagitium tristi
memoria servet, et diligenter sibi a peccatis in posterum caveat.
Ita per transennam vidimus, Auditores! Deum pro
immensa sua misericordia propitiis nos oculis adspexisse, et a
tenebris ethnicis ad sui agnitionem et lucem verbi Divini
evocasse. Quæ licet in se illustris, sub tyrannide tamen
Pontificia aliquot seculis veluti sub modio abscondita in obscuro
et caliginoso loco splendebat, et traditionum superstitionumque
nebulis fuit immersa. At demum, discussis etjam his tenebris,
meridianum verbi sui jubar in terris nostris accendit, cui si
tergum obvertamus, ceu, proh dolor! nimis multi faciunt,
dignissimi sumus, quibus cæleste hoc lumen denuo ereptum eat
Deus, quosque longe tristiori caligine involvat, quam in quo
majores nostri olim jacuerunt demersi.
Sub auspiciis Divinis Rex Gustavus primus sinceriorem
hanc religionem in regno nostro solide plantavit; a Patre
plantatam Carolus IX irrigavit, et decretis Concilii
Upsaliensis obvallavit. Ab avo plantatam atque a Patre irrigatam
Gustavus Adolphus in gymnasiorum et scholarum rivulos
latius derivavit et tandem heroico suo sanguine obsignavit.
Reliqui Reges nostri augustissimi puritatem religionis,
tanquam Divinum quoddam depositum in manus sibi commissum,
conservarunt, variis præsidiis firmarunt, eique inviolatæ
conservandæ de mediis omnibus sapientissime prospexerunt.
<< prev. page << föreg. sida << >> nästa sida >> next page >>
