Full resolution (TIFF) - On this page / på denna sida - Oratio de statu scientiarum Historicarum sub finem Seculi decimioctavi
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
erga me percepi animi candorem. Ob eam igitur, quam mihi,
vos litteras bonosque mores docenti, præbuistis attentionem,
gratias vobis ago debitas. Bonis vestris moribus vitaque
honesta, nullis diffamata criminibus, animum mihi conciliastis
lætissimum, vobisque ipsis optime consuluistis. Memoria
semper complectimini, juvenes carissimi, vos sine religionis
virtutumque sincero studio nunquam veram adepturos
felicitatem. Studiis praeterea litterarum sedulo invigilate, atque
quid Regi, quid patriæ, quid parentibus debeatis, nunquam
obliviscimini. Quæ officia vobis injuncta si nulla negligitis
ratione, vos optimos cives et bonarum apprime peritos
litterarum olim futuros, lætissimus auguror.
Restat ut ultimum quod vi muneris, per annum a me
gesti, mihi incumbit officium exsequar, ut nimirum oratione
hac mea, nonnulla ad vestram, adolescentes lectissimi,
pertinentia utilitatem, ex iis quæ meæ sunt interpretationis,
litterarum partibus carpta, vobis proponom. Scientiarum igitur
moralium faciem hodiernam alio, si fata concesserint, tempore
descripturus statum, quo scientiæ ad Historicum
pertinentes campum, sub finem seculi hujus decimi octavi
jam gaudent, breviter delineare constitui, vestra, auditores,
fretus patientia.
Jam apud antiquos Græcos et Romanos studium
Historicum magni fuisse habitum, eximiosque exstitisse Historicos,
neminem fugit, antiquiorum temporum vel parum peritum.
Cui enim incognita sunt nomina Græca celebria, Herodoti,
Thucydidis et Xenophontis: itemque Latina Cornelii Nepotis,
Sallustii, Livii atque Julii Cæsaris. Quorum scripta eximia
non solum optimam antiquioris historiæ nobis subministrant
notitiam, sed etiam exemplorum instar esse possunt, secundum
quæ stilus formari debeat Historicus. Medio vero, quod
dicitur, ævo, ut ceteræ scientiæ, ita etiam quæ Historicæ
vocantur, negligebantur, paucaque quæ litteris consignabantur
scripta, macra erant chronica, facta sæpe minoris momenti, quæ
monasteria plerumque spectabant, sine ullo judicii acumine
exhibentia. Reviviscentibus vero litteris seculo decimo quinto,
<< prev. page << föreg. sida << >> nästa sida >> next page >>
