Full resolution (TIFF) - On this page / på denna sida - Oratio de statu scientiarum Historicarum sub finem Seculi decimioctavi
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
multi etiam exstiterunt viri doctissimi, de flore Historiæ
magnopere solliciti, et delectu rerum et stilo se commendantes
elegante. Ex superiorum sæculorum scriptoribus nominasse
sufficiat Sleidanum, Thuanum et Pufendorffium, quorum scripta
Historica in magno habentur pretio. Ast nostre præ ceteris
seculo magni inclaruerunt Historici, qui tribus illis boni
Historici officiis, ut vera scribat, ut pragmatice scribat, i. e.
caussas et effectus adferat, et ut ornate scripta contexat sua,
feliciter functi sunt. In primis hoc nomine de republica litteraria
optime meruerunt Vilhelmus Robertson, in Academia
Edinburgensi ante aliquot annos Professor, cujus duo opera
præclora, Historia Americæ et Caroli quinti Cæsaris, orbi litterato
sunt notissima, Gibbon cujus historiam habemus optimam de
Romani imperii occasu et destructione, Hume, Schröck aliique
quam plurimi.
Ac duplici inprimis ratione Historici hujus seculi,
præcipue vero qui post dimidium seculi vixere, præ antiquioribus
eminuerunt: critices usu diligente et stilo apto Historico. Ad
prius quod adtinet, multis fabulis vanisque commentis vel
optimi antiquiorum Historicorum sua plerumque macularunt
scripta. Sic quando præsagiorum frequentem apud eos injici
mentionem deprehendimus, turpem Gentilium miseramur
superstitionem. Quorum si plures iis quæ commemorarunt
figmentis magnam ipsi non tribuerunt fidem, omnes tamen sui
temporis errores exuere aut non potuerunt aut ausi non sunt.
Multo vero major turpitudinis nota inuri debet plerisque
medii ævi Historicis, qui Legendas Sanctorum aliaque hujusmodi
furfuris scripta turpissimis impleverunt commentis, scriptore
Christianam profitente religionem, maxime indignis. Hæc et
hujusmodi caute vitarunt recentiorum temporum scriptores,
qui omnia vel plane falsa et superstitionem redolentia, vel
minus probabilia nullisque idoneis confirmata testimoniis, e
Historia studiose eliminarunt, primum Historici jure
existimantes officium, ut vera adferat: quod si negligatur, fabulas
non Historiam contexit. Sic multa quæ in antiquioribus
scriptis Historicis ut vera allata sunt et inculcata, vel plane falsa
esse, vel saltem minus probabilia doctissime ostenderunt
recentissimorum Historicorum hand pauci. Non nisi duo
hujusmodi exempla adferam. Antiquissimæ Monarchiæ Assyriacæ
<< prev. page << föreg. sida << >> nästa sida >> next page >>
